Read Dogri याकूब 5 Bible Online

याकूब 5 - Dogri bible

याकूब 5

¹ए मीर लोको सुनी ते लेयो, तोस अपने औने आलें कलेश उपर करलाई-करलाईयै रुओ।

²थूआडी तन दौलत नष्ट ओई गेई ते थुआड़े कपड़े गी कीड़े खाई गेदे न।

³थुआड़े सुनें ते चांदी च जंग लगी गेदी ऐ; ते ओ जंग थुआड़े वरोध च गुवाई देग, ते अग्ग आला लेखा थुआड़े मास खाई जाग तुसें खीरी दे योग च तन किटठा कित्ता ऐ।

⁴दिखो, जिनैं मजदूरें थुआड़े खेतर दी बाडी कित्ती, उन्दी ओ मजदूरी जेड़ी तुसें तोखा देईयै रखी लेई ऐ, करला करदी ऐ, ते बाडी करने आलें दी दुआई, सैना दे प्रभु दे कन तकर सुनची गेदी ऐ।

⁵तोस तरती उपर ठाठ-वाठ च जियां दे ओ ते बड़ा गै सोख पोगया; तुसें एस मरने दे देन आसतै अपने दिले दा पालन पोषण करियै उसी मुटा ताजा कित्ता।

⁶तुसें तर्मी गी कसुरबार आखीयै मारी दिता, ओ थुआड़ा मकाबला नेई करदा।

⁷एसकरी ए विश्वासी प्राओ, प्रभु दे औने तकर स्बर करो। जियां, क्रसान जमीन दी मती कीमती फसल दी आस रखदे ओई पैली ते खीरी दी बरखा ओनें तकर स्बर रखदा ऐ।

⁸तोस बी स्बर रखो, ते अपने दिले गी इम्त दियो, किके प्रभु दा औना कोल ऐ।

⁹ए प्राओ, एक दुए उपर दोष नेई लाओ, तां जे तोस दोषी नेई बनो; दिखो, न्याय करने आला दरबाजे उपर खड़ोते दा ऐ।

¹⁰ए प्राओ, जिनैं पविखवक्तें प्रभु दे नां कन्ने गल्लां कित्तियां, उनेंगी दोख चेलने ते स्बर रखने दा एक अपने लेई नमूना समझो।

¹¹दिखो, अस स्बर रखने आलें गी तन्न आखने न। तुसें अय्यूब दे स्बर दे बारै च तां सुने दा गै, ते प्रभु थमां जेड़ा ओसदा फल उसी मिलया उसी बी तुसें जानी लेता ऐ, जेस कन्ने प्रभु दा बडा तरस ते दया परकट ओंदी ऐ।

¹²लेकन ए मेरे पराओ, सबनी थमां खास गल्ल ए ऐ, के कसम नेई खायो; नां सोर्ग दी, नां तरती दी, नां कुसे ओर चीज दी; लेकन थूआडी गल्ल आं दी आं, ते नां दी नां उवै, के तोस परमेसर थमां सजा दे आक्दार नेई बनो।

¹³जेकर थुआड़े बिचा कोई दुखी ऐ, तां ओ प्रार्थना करै। जेकर खोश ऐ, तां ओ स्तुति ते पजन गा।

¹⁴जेकर थुआड़े बेच कोई रोगी ऐ, तां कलीसिया दे अगबें गी सदै, ते ओ प्रभु दे नां कन्ने ओस उपर तेल मलियै ओस आसतै प्रार्थना करन,

¹⁵ते विश्वास दी प्रार्थना थमां रोगी बची जाग ते प्रभु उसी चंगा करग; जेकर ओसने पाप बी कित्ते दे ओंन, तां परमेसर उसी माफ़ करग।

¹⁶एस आसतै तोस अप्पुं बिचें एक दुए दे सामने अपने-अपने पापें गी कबूल कर लियो, ते एक दुए आसतै प्रार्थना करो, जेस कन्ने तोस चंगे ओई जाओ; तर्मी मानु दी प्रार्थना दे असर कन्ने बड़ा केछ ओई सकदा ऐ।

¹⁷एलिय्याह पविखवक्ता बी तां साड़े आला लेखा दोख-सोख पोगी मनुक्ख हा; ते ओसने पूरे दिलें कन्ने प्रार्थना कित्ती; के बरखा नेई उवै; तां साढे त्रै साल तकर तरती उपर बरखा नेई ओई।

¹⁸पी ओसने प्रार्थना कित्ती, ते अम्बर चा बरखा ओई, ते जमीन फल देने आली ओई।

¹⁹ए मेरे प्राओ, जेकर थुआड़े बिचा कोई सच्चाई दे रस्ते गी मनने कोलां पटकी जा, ते कोई उसी मोड़ीयै लेई अवै

²⁰तां ओ ए जानी लै, के जेड़ा कोई कुसे पटके दे पापी गी फेरी लेई ओग, ओ एक प्राण गी मौत थमां बचाग, ते मते पापें कोलां माफी पाग।