Read Dogri 1 पतरस 3 Bible Online

1 पतरस 3 - Dogri bible

1 पतरस 3

¹हे करेआलीयों, तुस बी अपने आदमी दे थलै रवो, तां करी कि जेकर इन्दे बिचा कोई ऐसे होन जेड़े वचन गी नेईं मनदे ओन,

²पी बी थुआड़े डर कन्ने पवित्र चलना-फिरने गी दिखियै बिना वचन दे अपनी-अपनी करेआली दे चलना-फिरने दे रहें खिंची जाए।

³थुआड़ा श्रंगार दिखावटी नां होए, मतलब बाल गूंथना, अते सोने दे गहने, या चली-चली दे कपड़े पाना,

⁴अते थुआड़ा छिपेया ओया अते गुप्त मनुक्ख, नम्रता अते मन दी दीनता दी अविनाशी सजावट कन्ने शैल रहे, कीहके परमेसर दी नजर च इदा मोल बड़ा ऐ।

⁵चडदीकाल च पवित्र जनानिया बी, जेहड़ा परमेसर उप्पर आस रखदी हे, अपने आप गी इस्से रीति कन्ने संवारती अते अपने-अपने आदमी दे थलै रोदी हे।

⁶जियां सारा अब्राहम दी उक्म च रेंदी अते उसै स्वामी बोल्दी हे। इस्से चली तुस बी जेकर पलाई करो अते कुसे चली दे डर कन्ने कवराहट नां होए, अते ओहदी बेटियाँ ठअरो गे।

⁷इयां हे आदमियों, तुस बी बुद्धिमानी कन्ने करेअलीये दे कन्ने जीवन निर्वाह करो, अते जनानी गी कमजोर पात्र जानिऐ उदा आदर करो, ए समझीयै कि आसे दमै जीवन दे वरदान दे वारिस ऐ, जिदे कन्ने तुन्दी प्रार्थनाएं रुकी नां जान।

⁸आखर सारे दे सारे इक मन अते कृपामय अते पाईचारे अते प्यार रखने आले, अते करुणामय, अते नम्र बनो।

⁹बराई दे बदले बराई नेईं करो ते नां गाली दे बदले गाली देयो; लेकन विपरीत आशीष हे देयो, कीहके तुस आशीष दे वारिस होने दे लेई बलाए गे हो।

¹⁰कीहके “जेहड़ा कोई जीवन दी मेद रखदा ऐ, अते अच्छे धयारे दिखना चान्दा ऐ, ओह अपनी जिभ गी बराई करने, अते अपने बूल गी छल दी गल्ले करने च रोकी रने।

¹¹ओह बराई दा साथ छोड़न, अते पलाई हे करन; ओह मेल मलाप गी तुपन, अते ओहदे यत्न च रौन।

¹²कीहके प्रभु दी अखां तर्मयों उप्पर लग्गी रौंदी, अते ओहदे कन उन्दे बिनती दी ओर लगे रैंदे न; लेकन प्रभु बराई करने आले दे खलाफ रौंदा ऐ।”

¹³जेकर तुस पलाई करने दे लेई लग्गे रोवो अते तुन्दी बराई करने आला पी कोन ऐ?

¹⁴जेकर तुस तर्म दे कारन दुःख बी उठाओ, अते तान हो; लेकन लोकें दे डराने तो नेईं डरो, अते नां कबराओ,

¹⁵लेकन मसीह गी प्रभु जानियै अपने-अपने मन च पवित्र समझो। जेहड़ा कोई तुस गी थुआड़े आस दे बारै च केछ पूछै, उसै जबाब देने दे लेई सदा तयार रवो, लेकन नम्रता अते डर दे कन्ने;

¹⁶अते अपना सोच बी शुद्ध रखो, तां करी कि जिन गल्ले दे बारै च तुन्दी बदनामी होंदी ऐ उन्दे बारै च ओह, जेहड़ा मसीह च थुआड़े अच्छे चलना-फिरने दा अपमान करदे न, टीठ होन।

¹⁷कीहके जेकर परमेसर दी ए मरजी होए कि तुस पलाई करने दे कारन दुःख चुको, अते ए बराई करने दे कारन दुःख चुकने च शैल ऐ।

¹⁸तां करी कि मसीह ने बी, मतलब अतर्मियों दे लेई तरमी ने, पापे दे कारन इक बार दुःख थौअलया, ताकि आसे परमेसर दे कोल पजाए; ओह जीद दे भाव कन्ने अते खत्म कित्ता गीया, लेकन आत्मा दे भाव कन्ने जिलाया गीया।

¹⁹ओहदे च ऊन जानियै कैदी आत्माये गी बी पाशन कित्ता,

²⁰जिन्ने ओस बीअते पक्त च उक्म नां मनी, जदू परमेसर नूह दे धयारे च धीरज तरियै ठैरे या हे, अते ओह जहाज बना दा हे, जिदे च बैठीयै थोड़े लोक मतलब अट्ठ लोग पानी दे रहें बची गे।

²¹उसै पानी दा दष्टान्त बी, मतलब पवित्रशनांन, यीशु मसीह दे जी उठने दे रहें, हुन तुस गी बचांदा ऐ; एदे कन्ने जीद दे मैल गी दूर करने दा मतलब नेईं ऐ, लेकन शुद्ध जीवन कन्ने परमेसर दे वंश च ओई जाने दा मतलब ऐ।

²²ओह सोर्ग उप्पर जाईयै परमेसर दी सजे पासे बेई गीया; अते सोर्गदूत अते अधिकारी अते शक्ति आले ओहदे थलै कीअते गे न।