Read Dogri 1 पतरस 5 Bible Online

1 पतरस 5 - Dogri bible

1 पतरस 5

¹थुआड़े च जेहड़ा अगबें ऐ, आऊँ उन्दे लेखा अगबें अते मसीह दे दुखे दा गवाह अते परकट होने आली मैह्मा च शामल ओई यै उनेगी ए समझानदा हे

²कि परमेसर दे ओस झुंड दी, जेकी थुआड़े बिच ऐ रखवाली करो; अते ए दबाब कन्ने नेईं लेकन परमेसर दी मरजी दे लेखा खुशी कन्ने, अते नीच-कमाई दे लेई नेईं लेकन मन लाईयै।

³जेड़े लोक तुस गी सोंपे गे न, उन्दे उप्पर आक्क नां जताओ, लेकन झुंड दे लेई आदर्श बनो।

⁴जदू प्रधान त्यान रखने आला परकट होए गा, अते तुस गी मैह्मा दा मुकुट दिता जाग जेहड़ा मुर्जानदा नेईं।

⁵इस्से चली हे नौजबानो, तुस बी अगबें दे थलै रवो, लेकन तुस सारे दे सारे इक दुए दी सेवा दे लेई दीनता कन्ने लाक बनियै रखो, कीहके “परमेसर माअनकरने आले वरोध करदा ऐ, लेकन धयारे उप्पर क्रपा करदा ऐ।”

⁶कीहके परमेसर दे बलवन्त अथ्थ दे थल्लै दीनता कन्ने रवो, जिदे कन्ने ओह तुसेंगी ठीक पक्त उप्पर बढ़ाए।

⁷अपनी सारी निसान्न्ता ओहदे उप्पर पाई ओड़, कीहके उसै थुआड़ा तयान ऐ।

⁸चकने रवो, अते जागदे रवो; कीहके थुआड़ा विरोधी शतान गर्जनेआले सिंह दे लेखा एस खोज च रौंदा ऐ कि कुसे फाड़ी खाचै।

⁹बश्वास च पक्का ओई यै, अते ए जानियै उदा लेखा करो कि थुआड़े परा जेड़े जगत च न ऐसे हे दुःख सह दे न।

¹⁰हुन परमेसर जेहड़ा सारे क्रपा दा दाता ऐ, जिन्ने तुस गी मसीह च अपनी अनन्त मैह्मा दे लेई बुलाया, थुआड़ा थोड़ी देर तकर दुःख उठाने दे बाद आपे हे तुस गी सहे अते पक्का अते बलवन्त करग।

¹¹उसै दा साम्राज्य युग-युग रहे। आमीन।

¹²आऊँ अते सिलवानुस दे अथ्थ, जिसी आऊँ वश्वासयोग परा समझदा हां, कित्ताब च लिखिए तुस गी समझानदा हां, अते ए गवाही दिती ऐ कि परमेसर दा सच्चा क्रपा इयै ऐ, एदे च पक्का रोवो।

¹³जेड़े बेबीलोन च थुआड़े लेखा चुने होए लोक न, ओह अते मेरा जाकत मरकुस तुस गी नमश्कार बोलदे न।

¹⁴प्यार दे चुम्बन कन्ने इक दुए गी नमश्कार करो। तुस सारे गी, जेहड़ा मसीह च ओए, शान्ति मिलदी रवै।