Read Dogri 1 यूहन्ना 1 Bible Online

1 यूहन्ना 1 - Dogri bible

1 यूहन्ना 1

¹ओस जिंदड़ी दे वचन दे बारै च जेड़ा शुरू थमां हा, जिसी असैं सुनया, ते जिसी अपनी अखीयैं कन्ने दिखया, मतलब जिसी असैं त्यान कन्ने दिखया ते अथ्थें कन्ने छुत्ता।

²(ए जिंदड़ी तरती उपर परकट ओई, ते असैं उसी दिखया, ते ओदी गवाई दिनयां न, ते तुसेंगी ओस मेशा दी जिंदड़ी दा समाचार सनानयां न जेड़ा पिता परमेसर दे कन्ने हा ते साड़े उपर परकट ओया)।

³जेड़ा केछ असैं यीशु दे बारै च दिखया ते सुनाया ऐ ओदा समाचार तुसेंगी बी दिनयां न, एसकरी के तोस बी साड़े कन्ने पागीदार ओ; ते साड़ी पागिदारी पिता परमेसर दे कन्ने, ते ओदे पुत्तर यीशु मसीह दे कन्ने ऐ।

⁴ते ए गल्लां अस एसकरी लिखनयां न, के साड़ा नन्द पूरा ओई जा।

⁵जेड़ा समाचार असैं यीशु थमां सुनया, ते तुसेंगी सुनानयां न, ओ ए ऐ; के परमेसर लो ऐ ते ओदे च केछ बी न्हेरा नेई।

⁶जेकर अस आखने न, के ओदे कन्ने साड़ी संगति ऐ, ते पी नेरे च चलचे, तां अस चुठे आं ते सच्चाई उपर नेई चलदे;

⁷पर जेकर जियां परमेसर लोई च ऐ, उयांगै अस बी लोई च चलचे, तां एक दुए कन्ने संगति रखदे आं, ते ओसदे पुत्तर यीशु मसीह दा खून साड़े सारे पापें थमां शोद्ध करदा ऐ।

⁸जेकर अस आखचै, के साड़े च केछ बी पाप नेई, तां अपने आप गी तोखा दिन्दे आं, ते साड़े च सच्चाई नेई।

⁹जेकर अस अपने पापें गी मन्नी लेचै, तां ओ साड़े पापें गी माफ़ करने, ते साड़े सारे अतर्म थमां शोद्ध करने लेई वश्वासयोग ते तर्मी ऐ।

¹⁰जेकर अस आखचै के असैं पाप नेई कित्ता, तां परमेसर गी चुट्ठा मननयां न, ते ओसदा वचन साड़े च नेई ऐ।