Read Dogri 1 यूहन्ना 4 Bible Online

1 यूहन्ना 4 - Dogri bible

1 यूहन्ना 4

¹ए प्यारो, अर एक आत्मा उपर विश्वास नेई करो, लेकन आत्में गी परखो, के ओ परमेसर थमां ऐ न के नेई; किके मते गै चुठे पविखब्कता दुनिया च निकलियै कम करा करदे न।

²परमेसर दी आत्मा तोस एस तरीके पछांनी सकदे ओ; जेड़ी कोई आत्मा ए मनी लेंदी ऐ, के यीशु मसीह जेंद च ओईयै आया ऐ ओ परमेसर थमां ऐ,

³ते जेड़ी कोई आत्मा यीशु गी नेई मनदी, ओ परमेसर थमां नेई ऐ, उवै मसीह वरोधी आत्मा ऐ, जेसदी चर्चा तोस सुनी चुके दे ओ, के ओ औने आला ऐ, ते ऊन बी दुनिया च ऐ।

⁴ए प्यारे बच्च्यो, तोस परमेसर दे लोक ओ, ते तुसें चुठे पविख्वक्तें उपर जय पाई ऐ; किके जेड़ा थुआड़े च ऐ, ते ओ ओदे कोलां जेड़ा दुनिया च ऐ, बड़ा ऐ।

⁵ओ चुठे पविख्वक्ता दुनिया दे न, एस कारन ओ दुनियां दे लोके दियां गल्लां बोलदे न, ते दुनिया उन्दी सुनदी ऐ।

⁶अस परमेसर दे न। जेड़ा परमेसर गी जानदा ऐ, ओ साड़ी सुनदा ऐ; जेड़ा परमेसर गी नेई जानदा ओ साड़ी नेई सुनदा। एस तरीके अस सच्च बोलने आली आत्मा ते तोखे दी आत्मा गी पछांनी लेनयां न।

⁷ए प्यारो, आओ अस अप्पुं-बिचें प्यार करचै; किके प्यार परमेसर थमां ऐ। ते जेड़ा कोई दुए गी प्यार करदा ऐ, ओ परमेसर दा पुत्तर ऐ ते परमेसर गी जानदा ऐ।

⁸जेड़ा दुए कन्ने प्यार नेई करदा ऐ, ओ परमेसर गी नेई जानदा, किके परमेसर प्यार ऐ।

⁹जेड़ा प्यार परमेसर साड़े कन्ने करदा ऐ, ओ एस छा परकट ओया के परमेसर ने अपने इकलौते पुत्तर गी दुनिया च पेजया ऐ के अस ओदे थमां मेशा दी जिंदड़ी पाचै।

¹⁰प्यार एस च नेई के असैं परमेसर कन्ने प्यार कित्ता ऐ, लेकन एदे च ऐ के ओसने साड़े कन्ने प्यार कित्ता ते साड़े पापें दी सजा दे प्राशचत अपने पुत्तर गी पेजया।

¹¹ए प्यारो, जेलै परमेसर ने साड़े कन्ने ऐसा प्यार कित्ता, ते असैं बी अप्पुं-बिचें प्यार करना चाईदा ऐ।

¹²परमेसर गी कदें बी कुसे ने नेई दिखया; जेकर अस अप्पुं-बिचें प्यार करचै, तां परमेसर साड़े च बना रौंदा ऐ; ते ओसदा प्यार साड़े च सेध ओंदा ऐ।

¹³एदे छा अस जाननयां न, के अस ओदे च बने दे रौनयां न, ते ओ साड़े च; किके ओसने अपनी पवित्र आत्मा बिचा असेंगी दिता ऐ।

¹⁴ते असैं दिखी बी लेता ते ओदी गुवाई दिंदे न के पिता परमेसर ने पुत्तर गी दुनिया दे लोकें दा मुक्तिदाता करियै पेजया ऐ।

¹⁵जेड़ा कोई ए मनी लेनदा ऐ, के यीशु परमेसर दा पुत्तर ऐ, परमेसर ओदे च बना रौंदा ऐ, ते ओ परमेसर च।

¹⁶ते जेड़ा प्यार परमेसर साड़े कन्ने करदा ऐ, उसी अस जानी गै, ते असेंगी ओदे उपर विश्वास ऐ। परमेसर प्यार ऐ, जेड़ा प्यार च बना रौंदा ऐ ओ परमेसर च बना रौंदा ऐ, ते परमेसर ओदे च बना रौंदा ऐ।

¹⁷एदे छा प्यार साड़े च सेध्द ओआ, के असेंगी न्याय दे देन इम्त उवै; किके जियां ओ ऐ, उयांगै दुनिया च अस बी ऐंन।

¹⁸प्यार च डर नेई ओंदा, लेकन सेध्द प्यार डर गी दूर करी दिंदा ऐ; किके डर दा सम्बन्ध सजा कन्ने ओंदा ऐ, ते जेड़ा डरदा ऐ, ओ प्यार च सेध्द नेई ओया।

¹⁹अस एसकरी परमेसर क्न्ने लोकें कन्ने प्यार करनयां न, किके पैलैं ओसने साड़े कन्ने प्यार कित्ता।

²⁰जेकर कोई आखे, “आऊँ परमेसर कन्ने प्यार करना ऐ,” लेकन अपने विश्वासी प्रा कन्ने बैर रखै, तां ओ चुट्ठा ऐ; किके जेड़ा अपने विश्वासी प्रा कन्ने जिसी ओनें उसी दिखया ऐ प्यार नेई करदा, तां ओ परमेसर कन्ने बी जिसी ओनें नेई दिखया प्यार नेई करी सकदा।

²¹ते ओदे थमां असेंगी ए उक्म मिलया, के जेड़ा कोई परमेसर कन्ने प्यार करदा ऐ, ओ अपने विश्वासी प्रा कन्ने बी प्यार करै।