Read Dogri 2 यूहन्ना 1 Bible Online

2 यूहन्ना 1 - Dogri bible

2 यूहन्ना 1

¹ए चिट्ठी आऊँ यूहन्ना अगबें थमां परमेसर थमां चुनी दी मोद्दवर विश्वासी पैंन ते ओदे बच्चें दे नां लिखे करना ऐं, जिंदे कन्ने आऊँ सच्चा प्रेम करना ऐं, ते सेर्फ आऊँ गै नेई, लेकन ओ सारे प्रेम करदे न, जेड़े परमेसर दी सच्चाई गी जानदे न।

²ओ सच्च जेड़ा साड़े च टिके दा रौंदा ऐ, ते मेशा साड़े कन्ने अटल रौग।

³पिता परमेसर दे पुत्तर यीशु मसीह थमां क्रपा, दया ते शान्ति साड़े कन्ने सचाई समेत एर्ख रौगन।

⁴आऊँ बड़ा खोश ओया, के मैं तेरे केछ बच्चें गी ओस उक्म दे मताबक, जेड़ा असेंगी पिता थमां मिलया हा, ओस परमेसर दी सच्चाई उपर चलदे दिखया।

⁵ऊन ए मोद्दवर विश्वासी पैंन, आऊँ तुगी कोई नमां उक्म नेई, लेकन उवै जेड़ा शुरू थमां साड़े कोल ऐ, दिनां ऐं; ते तेरे अगें अर्ज करना ऐं, के अस एक दुए कन्ने प्रेम करचै।

⁶ते प्रेम ए ऐ के अस ओदे उकमें दे मताबक चलचे; ए उवै उक्म ऐ जेड़ा तुसें शुरू थमां सुना ऐ, ते तुसेंगी एदे उपर चलना बी चाईदा ऐ।

⁷किके मते सारे ऐसे परमाने आले दुनिया च निकली आए दे न, जेड़े नेई मनदे के यीशु मसीह जेंद च ओईयै आया; परमाने आला ते मसीह वरोधी इयै गै।

⁸अपने बारै च चकने रवो, के जेड़ी मेंनत असैं सारें कित्ती दी ऐ, तोस उसी गुआई नेई ओड़यो, लेकन तुसेंगी ओदा पूरा फल मिलै।

⁹जेड़ा कोई मसीह दी शिखया कन्ने अपनी शिखया मलांदा ऐ, ओ मसीह दी शिखया च टिके दा नेई रौंदा, ओदे कोल परमेसर नेई; जेड़ा कोई ओदी शिखया च टिके दा रौंदा, ओदे कोल पिता परमेसर बी ऐ, ते पुत्तर बी।

¹⁰जेकर कोई थुआड़े कोल अवै, ते ए शिखया नेई दे, उसी नां ते कर च औना दियो, ते नां गै नमश्कार करो।

¹¹किके जेड़ा कोई ऐसे मनुक्ख गी नमश्कार करदा ऐ, ओ ओदे बुरे कम्में लेई जिमेंबार ओंदा ऐ।

¹²आऊँ ओर बी मतीयां सारीयां गल्लां दसना चांनां, लेकन चिट्ठी च लिखनां नेई चांदा, लेकन मिगी आस ऐ, के आऊँ थुआड़े कोल औगा ते आमने-सामने गल्लां करगा, जेस कन्ने अस पूरी चाली खोश ओई जागे।

¹³तेरी चुनी गेदी पैनूं दे बच्चे तुगी नमश्कार बोलदे न।