Read Dogri 3 यूहन्ना 1 Bible Online

3 यूहन्ना 1 - Dogri bible

3 यूहन्ना 1

¹आऊँ यूहन्ना अगबें थमां ए चिट्ठी ओस प्यारे गयुस दे नां लिखे करना, जेस कन्ने आऊँ सच्चा प्रेम करना ऐं।

²ए प्यारे दोस्त, मेरी ए प्रार्थना ऐ; के जियां तू आत्मिक तरक्की करै करना ऐ, उयांगै तू सारीयें गल्लें च तरक्की कर, ते जिंदु च सेत्तमन्द रवो।

³किके जेलै विश्वासी प्राऐं आईयै, तेरी ओस सचाई दी गुआई दिती, जेदे उपर सचें गै तुं चलना ऐं, तां आऊँ बड़ा गै खोश ओया।

⁴मिगी एदे कोलां बड़ी ओर कोई खुशी नेई, के आऊँ सुनां, के मेरे आत्मिक बच्चे सचाई उपर चलदे न।

⁵ए विश्वासी दोस्त, तो मसीह प्राऐं आसतै बड़ी मदद कित्ती जेड़े मांनदारी कन्ने दूर-दूर जाईयै शोभ समाचार सनांदे हे, ते तो उन्दी मदद बी मांनदारी कन्ने कित्ती, जिनेंगी तुं नेई जानदा हा।

⁶उनै कलीसिया दे सामने तेरे प्यार दी गुआई दिती ही। जेकर तू उनेंगी इसै चाली विदा करगा जेस चाली परमेसर दे लोकें लेई बाजब ऐ, तां अच्छा करगा।

⁷किके ओ ओस नां आस्ते निकले न, ते दुई जातीयें कोलां केछ नेई लैंदे।

⁸एस लेई ऐसे सेवकें दी परौनगी करना चाईदी, जेदे थमां अस बी उन्दे कन्ने सच्चाई दी सेवा दे ऐसे दार ओचै।

⁹मैं कलीसिया गी केछ लिखे दा हा; लेकन दियुत्रिफेस जेड़ा उन्दे च बड़ा बनना चांदा ऐ, ओस शिखया गी नेई मनदा।

¹⁰एसकरी आऊँ औगा, तां थुआड़े सामने ओदे कित्ते गेदे सारे कम्में गी दसी देगा मतलब साड़े उपर लाए दे चुट्ठे लजामें गी ते इनां गै नेई ओ अप्पुं बी खोश नेई ओंदा ते वश्वासीयें दा सुआगत नेई करदा, ते उनेंगी जेड़े सुआगत करना चांदे न, उनेंगी मनां करदा ते कलीसिया चा बार कढी दिंदा ऐ।

¹¹ए प्यारे दोस्त, बुराई दे पिछें नेई, लेकन पलाई दे पिछें चलने आले बनो। जेड़ा पलाई करदा ऐ, ओ परमेसर थमां करदा ऐ; लेकन जेड़ा बराई करदा ऐ, ओसने परमेसर गी नेई दिखया।

¹²अर एक कलीसिया च आखदा के दिमेत्रियुस अच्छा मनुक्ख ऐ, किके ओ परमेसर दी सच्ची शिखया दे मताबक चलदा ऐ।

¹³आऊँ ओर बी मतीयां सारीयां गल्लां दसना चांनां, लेकन चिट्ठी च लिखनां नेई चांदा,

¹⁴लेकन मिगी आस ऐ, के आऊँ थुआड़े कोल औगा ते आमने-सामने गल्लां करगा।

¹⁵आऊँ प्रार्थना करना, के तुसेंगी शान्ति मिलदी रवै। इत्त्थैं तकर के मसीह दोस्त तुगी नमश्कार बोलदे न। उत्थें दे दोस्तें गी नां लेईयै नमश्कार बोली देना।