Read Dogri प्रकाशितवाक्य 12 Bible Online

प्रकाशितवाक्य 12 - Dogri bible

प्रकाशितवाक्य 12

¹पी सोर्ग च एक बड़ा चेन्न लबया, मतलब एक जनानी जेकी सूरज ओड़े दी हे, ते चण ओदे पैरें थलै हा, ते ओदे सिर उपर बारें तारें दा मुकुट हा।

²गर्भवती ओई, ते करलांदी हे, किके जमने दी पीड़ च हे।

³एक ते चेन्न सोर्ग च लबया; ते दिखो, एक बड़ा लाल अजगर हा, जेसदे सत्त सिर ते दस सिंग हे, ते ओदे सिरें उपर सत्त राजमुकुट हे।

⁴उस्स दी दुंब ने अम्बर दे तारें दी एक तिहाई गी खिचीये तरती उपर सुट्टी दिता। ओ अजगर उस्स जनानी दे समुक जेकी जच्चा हे, खड़ोई गीया के जेस ले ओ बच्चा जम्मे ते उस्स बच्चे गी निंगली जा।

⁵ओ जागत जम्मी जेड़ा लोए दा दंड लेते दे सारीयें जातीयें उपर राज करने आला हा, ते ओ बच्चा इका एक परमेसर दे कोल ते ओदे संहासन दे कोल ठुआलीयै पजाई दिता गीया;

⁶ते ओ जनानी उस्स जंगल गी नस्सी गई जिथें परमेसर थमां उस्स आसतै एक जगह तेयार कित्ती दी हे के उत्थें ओ एक हजार दो सौ साठ धयारे तकर पाली जाए।

⁷पी सोर्ग च लड़ाई ओई, मीकाईल ते ओदे सोर्गदूत अजगर कन्ने लड़ने आस्ते निकले; ते अजगर ते ओदे दूत उस्स कन्ने लड़ने गी निकले; ते अजगर ते ओदे दूत उस्स कन्ने लड़े,

⁸लेकन जीती नेई सक्के, ते सोर्ग बिच पी उंदे आसतै जगह नेई रेई।

⁹ओस बेलै ओ बड़ा अजगर, मतलब उवै पराना सप्प जेड़ा इबलीस ते शतान आखया जांदा ऐ ते सारे जगत दा परमाने आला ऐ, तरती उपर डिगाई दिता गीया, ते ओदे दूत ओदे कन्ने डिगाई दिते गै।

¹⁰पी आऊँ सोर्ग थमां ए बड़ा शब्द ओदे सुनया, “हूंन साड़े परमेसर दा उद्धार ते समर्थ ते राज ते ओदे मसीह दा आक्क परकट ओया ऐ, किके साड़े प्रां उपर कसुर लाने आला, जेड़ा रात धयारे साड़े परमेसर दे समुक उंदे उपर कसुर लांदा हा, डिगाई दिता गीया।

¹¹ओ मेम्ने दे खून दे कारन ते अपनी गुआई दे वचन दे कारन उस्स उपर जयवंत ओए, ते उनै अपने प्राणें गी प्यारा नेई जानया, इत्थैं तकर के मौत बी सैई लेई।

¹²एस दे कारन ए सुर्गो ते उंदे च रैने आलेयो, मगन ओ; ए तरती, ते समुंद्र, थआड़े उपर आए! किके शतान बड्डे गुस्सै कन्ने थआड़े कोल उतरी आएदा ऐ, किके जानदा ऐ के उस्स दा थोड़ा समां ते बाकी ऐ।”

¹³जेस ले अजगर ने दिखया के आऊँ तरती उपर डिगाई दित्ते दा ऐ, तां उस्स जनानी गी जेस ने जागत जमया हे, सताया।

¹⁴लेकन उस्स जनानी गी बड्डे उकाब दे दो फंग दित्ते गै के सप्प दे सामने थमां उडरीयै जंगल च उस्स जगह पूजी जाए, जिथें ओ एक बेलै ते बेलै, ते अधे बेलै तकर पाली जाए।

¹⁵ते सप्प ने उस्स जनानी दे पिछें अपने मुंह बिचा दरया जेया पानी रोढ़या के उसी एस दरया बिचा रोढ़ी दे।

¹⁶लेकन तरती ने उस्स जनानी दी मदद कित्ती, ते अपना मुंह खोलियै उस्स दरया गी जेकी अजगर ने अपने मुंह थमां रोढ़ी हे पी लेई।

¹⁷ओस बेलै अजगर उस्स जनानी उपर गुस्सै ओया, ते उस्स दी बाकी संतान कन्ने, जेड़े परमेसर दी उक्म गी मनदे ते यीशु दी गुआई देने उपर स्थिर न, लड़ने गी गीया।

¹⁸ते ओ समुंद्र दे रेते उपर जाई खलोता।