Read Dogri प्रकाशितवाक्य 13 Bible Online

प्रकाशितवाक्य 13 - Dogri bible

प्रकाशितवाक्य 13

¹ओस बेलै आऊँ एक जानबर गी समुंद्र बिचा निकलदे दिखया, जेसदे दस सिंग ते सत्त सिर हे। ओदे सिंगे उपर दस राजमुकुट, ते ओदे सिरें उपर परमेसर दी निंदया दे नां लिखे दा हा।

²जेहड़ा जानबर आऊँ दिखया ओ चित्रे जेया हा; ते ओदे पैर भालू जे, ते मुंह शेर जेया हा। उस्स अजगर ने अपनी समर्थ ते अपना संहासन ते बड़ा आक्क उसी देई दिता।

³आऊँ ओदे सिरें बिचा एक ऐसा पारी जखम लगा दिखया मनो ओ मरने उपर ऐ, पी उस्स दा प्राण नाश ओनें आला जखम ठीक ओई गीया, ते साड़े तरती दे लोग उस्स जानबर दे पिछें-पिछें एरान ओदे ओई चलदे रे।

⁴लोकें अजगर दी पुजा कित्ती, किके उस्स ने जानबर गी अपना आक्क देई दिता हा, ते ए आखीयै जानबर दी पुजा कित्ती, “एस जानबर जेया कुन्न ऐ? कुन्न एस कन्ने लड़ी सकदा ऐ?”

⁵बड्डे बोलने ते निंदया करने आस्ते ते उसी एक मुंह दिता गीया, ते उसी बताली मिने तकर कम करने दा आक्क दिता गीया।

⁶उस्स ने परमेसर दी निंदया करने आसतै मुंह खोलया के ओदे नां ते ओदे तम्बू मतलब सोर्ग च रैने आलें दी निंदया करै।

⁷उसी एबी आक्क दिता गीया के पवित्र लोकें कन्ने लड़े ते उंदे उपर जीत आसल कर, ते उसी अर एक कुल ते लोग ते पाषा ते जाती उपर आक्क दिता गीया।

⁸तरती दे ओ सारे रैने आले, जिंदे नां उस्स मेम्ने दी जीवन दी कताब बिच लिखे नेई गै जेहड़ा जगत दे पैदा दे बेलै थमां कायल ओया ऐ, उस्स जानबर दी पुजा करघंन।

⁹जेसदे कन ओंन ओ सुनी लैंन।

¹⁰जिसी कैद च पौना ऐ, ओ कैद च पेई जाग; जेड़ा तलवार कन्ने मारग, जरुरी ऐ के ओ तलवार कन्ने मारी दिता जाग। पवित्र लोकें दा सबर ते बश्वास इसै च ऐ।

¹¹पी आऊँ एक जानबर गी तरती थमां निकलदे दिखया, ओदे मेम्ने जे दो सिंग हे, ते ओ अजगर जेया बोलदा हा।

¹²ओ ओस पैले जानबर दा सारा आक्क ओदे समुक कम च लांदा हा; ते तरती ते उस्स च रैने थमां उस्स पैलैं जानबर दी, जेसदा प्राण मारी जखम ठीक ओई गेदा हा, पुजा करांदा हा।

¹³ओ बड्डे बड्डे चेन्न दसदा हा, इत्थैं तकर के मनुक्खें दे समुक सोर्ग थमां तरती उपर अग्ग बरसाई दिंदा हा।

¹⁴उनेंगी चेन्न दे कारन, जिनैं उस्स जानबर दे समुक दसने दा आक्क दिता गीया हा, ओ तरती दे रैने आलें गी परमांदा हा ते तरती दे रेंने आलें गी आखदा हा के जेस जानबर गी तलवार लगी हे ओ जिंदा ओई गीया ऐ, उस्स दी मूरत बनाओ।

¹⁵उसी उस्स जानबर दी मूरत बिच प्राण पाने दा आक्क दिता गीया के जानबर दी मूरत आखन लगे, ते जिन्नें लोग उस्स जानबर दी मूरत दी पुजा नां करन, उनेंगी मराई दे।

¹⁶उस्स ने निक्के बड्डे सोखे गरीब, अजाद नौकर सारे दे सज्जे हत्थ जां उंदे मथे उपर इक मोर कराई दिती,

¹⁷के उसी छोड़ी जेस उपर मोर मतलब उस्स जानबर दा नां जां ओदे नां दा अंक ओए, बाकी कोई लैंन देंन नेई करी सक्के।

¹⁸अक्ल इसै बिच ऐ; जिसी दमाक ओए ओ एस जानबर दा अंक जोड़ी लै, किके ओ मनुक्ख दा अंक ऐ, ते उस्स दा अंक छें सौ छ्याड़ ऐ।