Read Dogri प्रकाशितवाक्य 16 Bible Online

प्रकाशितवाक्य 16 - Dogri bible

प्रकाशितवाक्य 16

¹पी आऊँ मंदर बिचा कुसे गी उच्चे शब्द कन्ने ओनें सत्तें सोर्गदूतें थमां ए आखदे सुनया, “जाओ, परमेसर दे गुस्सै दे सत्तें कटोरे गी तरती उपर डोली देओ।”

²एस आसतै पैले सोर्गदूत ने जाईयै अपना कटोरा तरती उपर डोली दिता। ओस बेलै ओनें मनुक्खें दे, जिंदे उपर जानबर दी मोर ही ते जेड़े उस्स दी मूर्ति दी अराधना करदे हे, एक चाली दा बुरा ते दुःख देने आला फोड़ा निकलया।

³दुए सोर्गदूत ने अपना कटोरा समुंद्र उपर डोली दिता, ते ओ मरे दे मनुक्खे दे खून जेया बनी गीया, ते समुंद्र दा अर एक जीवधारी मरी गीया।

⁴त्रिये सोर्गदूत ने अपना कटोरा नदियें ते पानी दे सोते उपर डोली दित्ता ते ओ खून बनी गीया।

⁵ओस बेलै आऊँ पानी दे सोर्गदूत गी ए आखदे सुनया, “ए पवित्र, जेड़ा ऐ ते जेड़ा ऐहा, तू न्यायी ऐ ते तो ए न्याय कित्ता।

⁶किके उनेंगी पवित्र लोकें दा ते औने पविखवक्ताऐं दा खून भाया हा, ते तो उनेंगी खून पलाया; किके ओ इसै जोगे न।”

⁷पी आऊँ बेदी थमां ए शब्द सुनया, “हां, हे सर्वशक्तिमान प्रभु परमेसर, तेरे फैसले ठीक ते सच्चे न।”

⁸चौथे सोर्गदूत ने अपना कटोरा सुरजे उपर डोली दित्ता, ते उसी मनुक्खें गी अग्गी कन्ने झुलसने दा आक्क दिता गीया।

⁹मनुक्ख बड़ी तपन कन्ने झुलसी गै, ते परमेसर दे नां दी जिसी इनें बिपतियें उपर आक्क ऐ, निंदया कित्ती लेकन उस्स दी मैह्मा करने आसतै मन नेई फेरेया।

¹⁰पंजबे सोर्गदूत ने अपना कटोरा उस्स जानबर दे संहासन उपर डोली दित्ता, ते ओदे राज उपर न्हेरा छाई गीया। लोग पीड़ दे मारे अपनी अपनी जिभ चबाने लगे,

¹¹ते अपनी पीड़ ते फोड़ें दे कारन सोर्ग दे परमेसर दी निंदया कित्ती; लेकन अपने-अपने कम्में थमां मन नेई फेरेया।

¹²छेमे सोर्गदूत ने अपना कटोरा बड़ी नदी फरात उपर डोली दित्ता, ते उस्स दा पानी सुकी गीया के चडदी पासे दे राजें आसतै रस्ता तेयार ओई जाए

¹³पी आऊँ उस्स अजगर दे मुंह बिचा, ते उस्स जानबर दे मुंह बिचा, ते उस्स चुठे पविक्श्वक्ता दे मुंह बिचा त्रै अशोद्ध आत्मा गी मिनकें दे रूप च निकलदे दिखया।

¹⁴ए चेन्न दिखने आली दोष्टआत्मायें न, जेकीयां सारे जगत दे राजें दे कोल निकलियै एस लेई जंदियां न के उनेंगी सर्वशक्तिमान परमेसर दे उस्स बड्डे धयारे दी लड़ाई आसतै किटठा करन

¹⁵“दिख, आऊँ चोर दे लेखा आना ऐ; धन्न ओन जेड़ा जागे दा रौंदा ऐ, ते अपने कपड़े दी राखी करदा ऐ के नंगा नेई फिरे, ते लोग उस्स दा नंगापन गी नेई दिखन।”

¹⁶ते उनै उनेंगी उस्स जगह किटठा कित्ता जेड़ा इब्रानी च अरमगिदोन आखया जांदा ऐ।

¹⁷सतमें सोर्गदूत ने अपना कटोरा अवा च डोली दित्ता, ते मंदर दे संहासन थमां ए बड़ा शब्द ओया, “ओई चुकया!”

¹⁸पी बिजलियां चमकीयां, ते शब्द ते गर्जन ओए, ते एक ऐसा बड़ा पुंचाल आया के जेस बेलै थमां मनुक्ख दी पैदाइश तरती उपर ओई, ओस बेलै थमां ऐसा पुंचाल कदें बी नेई आया हा।

¹⁹एस कन्ने उस्स बड्डे शैर दे त्रै टुकड़े ओई गै, ते जाती-जाती दे शैर डिगी पे; ते बड्डे बेबीलोन दी याद परमेसर दे इत्थैं ओई के ओ अपने गुस्सै दी जलजलाहट दी शराव उसी पलाए।

²⁰ते अर एक टापू अपनी जगह थमां टली गीया, ते पाड़ें दा पता नेई चलया।

²¹अम्बर थमां मनुक्खे उपर मन मन पर दे बड्डे ओलै डिगे, ते इसै आसतै किके एस बिपत्ती मती गै पारी हे, लोकें ओलै दी बिपत्ती दे कारन परमेसर दी निंदया कित्ती।