Read Dogri प्रकाशितवाक्य 17 Bible Online

प्रकाशितवाक्य 17 - Dogri bible

प्रकाशितवाक्य 17

¹जेड़े सत्त सोर्गदूतें दे कोल ओ सत्त कटोरे हे, उंदे बिचा एक ने आईयै मेरे कन्ने ए आखया, “इत्थैं आ, आऊँ तुगी ओस बड़ी वेश्या दा दंड दसा, जेकी मते पानी उपर बैठी ऐ,

²जेसदे कोल तरती दे राजें ब्यभिचार कित्ता; ते तरती दे रोने आले ओदे ब्यभिचार दे शराव कन्ने मतवाले ओई गेदे हे।”

³ओस बेलै ओ आत्मा च मिकी जंगल गी लेई गीया, ते आऊँ लाल रंग दे जानबर उप्पर, जेहड़ा निंदया दे नां कन्ने परोचे दा हा ते जेसदे सत्त सिर ते दस सिंग हे, एक जनानी गी बैठे दे दिखया।

⁴ए जनानी बैंजनी ते लाल रंग दे कपड़े लाए दी हे, ते सुने ते मणियैं ते मोतियें कन्ने सजी दी हे, ते ओदे हत्थे च एक सुने दा कटोरा हा जेड़ा उजाड़ने आली चीजें कन्ने ते ओदे ब्यभिचार दी गंदी चीजें कन्ने परोचे दा हा।

⁵ओदे मथे उपर ए नां लिखे दा हा, “पेद-बड़ा बेबीलोन तरती दी के श्यां ते उजाड़ने आली चीजें दी मां।”

⁶आऊँ उस्स जनानी गी पवित्र लोकें दा खून ते यीशु दे गवाह दा खून पीने कन्ने मतवाली दिखया; उसी दिखियै आऊँ हरान ओई गीया।

⁷ओस बेलै उस्स सोर्गदूत ने मेरे कन्ने आखया, “तू कि हरान ओया? आऊँ एस जनानी ते उस्स जानबर दा, जेस उपर ओ सवार ऐ ते जेसदे सत्त सिर ते दस सिंग न, तुगी पेद दसना ऐ।

⁸जेड़ा जानबर तो दिखया ऐ, ओ पैलैं ते ऐहा लेकन हूंन नेईयैं, ते अथाह कुंड बिचा निकलियै नाश च पेई जाग; ते तरती दे रैने आले जिंदे नां जगत दी पैदाइश दे बेलै थमां जीवन दी कताब बिच लिखे नेई गै, एस जानबर दी ए दशा दिखियै के पैलैं ऐहा ते हूंन नेईयैं ते पी आई जाना, अचम्भा करघंन।

⁹उस्स दमाक आसतै जेस बिच अक्ल ऐ, इयै बेला ऐ; ओ सत्ते सिर सत्ते पाड़ न जिंदे उपर ओ जनानी बैठी दी ऐ।

¹⁰ओ सत्त राजा बी ऐ न, पंज ते ओई चुके दे न, ते एक हूंन ऐ, ते एक अयें तकर आया नेई, ते जेस ले आई जाग ते किश बेलै तकर उस्स दा रैना बी जरुरी ऐ।

¹¹जेड़ा जानबर पैलैं हा, ते हूंन नेईयै, ओ अप्पुं अठवां ऐ ते ओनें सत्तें बिचा जमया, ते विनाश च पेई जाग।

¹²जेड़े दस तो दिखे ओ दस राजा न जिन्हैं अयें तकर राज नेई पाया, लेकन उस्स जानबर आसतै कड़ी पर आसतै राजें आला आक्क पाघंन।

¹³ए सारे एक मन ओगन, ते ओ अपनी अपनी समर्थ ते आक्क उस्स जानबर गी देंगन।”

¹⁴“ओ मेम्ने कन्ने लड़घंन, ते मेम्ना उंदे उपर जीत आसल करग, किके ओ प्रभुएं दा प्रभु ते राजें दा राजा ऐ, ते जेड़े बलाए दे ते चुने दे ते विश्वासी न ओ ओदे कन्ने न; ओ बी जीत पाघंन।”

¹⁵पी उस्स ने मेरे कन्ने आखया, “जेड़े पानी तो दिखे, जिंदे उपर के श्या बैठी ऐ, ओ ते लोक ते पीड ते जातीयां ते पाषाये न।

¹⁶जेड़े दस सिंग तो दिखे, ओ ते जानबर उस्स के श्या कन्ने बैर रखघंन, ते उसी लाचार ते नंगी करी देंगन।

¹⁷किके परमेसर ओदे मने च ए पाई देग के ओ उस्स दी मर्जी पूरी करन, ते जेस ले तकर परमेसर दे वचन पूरे नेई ओई जान ओस बेलै तकर एक इक मन ओईयै अपना अपना राज जानबर गी देई देन।

¹⁸ओ जनानी, जिसी तो दिखया ऐ, ओ बड़ा शैर ऐ जेड़ा तरती दे राजें उपर राज करदा ऐ।”