Read Dogri प्रकाशितवाक्य 19 Bible Online

प्रकाशितवाक्य 19 - Dogri bible

प्रकाशितवाक्य 19

¹एस दे बाद आऊँ सोर्ग च मनो बड़ी पीड गी उच्चे शब्द कन्ने ए आखदे सुनया, “हल्लेलुयाह! उद्धार ते मैह्मा ते समर्थ साड़े परमेसर दी गै ऐ।

²किके ओदे निर्णय सच्चे ते ठीक न। उस्स ने उस्स बड़ी के श्या दा, जेकी अपने ब्यभिचार कन्ने तरती गी प्रष्ट करदी हे, न्याय कित्ता ते उस्स थमां अपने दासें दे खून दा बदला लेता ऐ।”

³पी दुई बार उनै आखया, “हल्लेलुयाह! ओदे जलने दा तुंआ जूगे जूगे उठदा रोह्ग।”

⁴ओस बेलै चोबीसें प्राचीनें ते चौनी प्राणियें किरीयै परमेसर गी अराधना कित्ता, जेड़ा संहासन उपर बैठा हा, ते आखया, “आमीन! हल्लेलुयाह!”

⁵ओस बेलै संहासन बिचा एक शब्द निकलया, “ए साड़े परमेसर थमां सारे डरने आले दासो, के निके, के बड्डे; तोस सारे उस्स दी स्तुति करो।”

⁶पी आऊँ बड़ी पीड जेया ते मते पानी जेया शब्द, ते गर्जन जेया बड़ा शब्द सुनया “हल्लेलुयाह! किके प्रभु साहड़ा परमेसर सर्वशक्तिमान राज करदा ऐ।

⁷आओ, अस खोश ते मग्न ओचै, ते उस्स दी स्तुति करचै, किके मेम्ने दा ब्याह आई पूजे दा ऐ, ते उस्स दी लाड़ी ने अपने आप गी तेयार करी लेता ऐ।

⁸उसी शुद्ध ते चमकदार महीन मलमल लाने दा आक्क दिता गीया” किके उस्स महेन मलमल दा अर्थ पवित्र लोकें दे तर्म दे कम न।

⁹ओस बेलै सोर्गदूत ने मेरे कन्ने आखया, “ए लिख, के धन्न ओन, जेड़े मेम्ने दे ब्याह दे रुट्टी च बलाए गेदे न।” पी उस्स ने मेरे कन्ने आखया, “ए वचन परमेसर दे सच्चाई दे वचन न।”

¹⁰ओस बेलै आऊँ उसी अराधना करने आसतै ओदे पैरें उपर डिगी गीया। उस्स ने मेरे कन्ने आखया, “दिख, इयां मत कर, आऊँ तेरे ते तेरे प्रां दा संगी दास ऐ जेड़े यीशु दी गुआई देने आसतै टिके दे न। परमेसर गी गै दंडवत कर; किके यीशु दी गुआई पविखवाणी दी आत्मा ऐ।”

¹¹पी मन सोर्ग गी खुले दा दिखया, ते दिखना ऐं कि एक सफेद कोड़ा ऐ; ते उस्स उपर एक सवार ऐ, जेड़ा वश्वासयोग ते सच आखया जांदा ऐ; ते ओ तर्म कन्ने न्याय ते लड़ाई करदा ऐ।

¹²उस्स दी अखीयाँ अग्ग दी ज्वाला न, ते ओदे सिर उपर मते राजमुकुट न। उस्स उपर एक नां लिखे दा ऐ, जेस गी ओदे अलावा ते कोई नेई जानदा ऐ।

¹³ओ खून छिड़के दा कपड़ा लाए दे ऐ, ते उस्स दा नां परमेसर दा वचन ऐ।

¹⁴सोर्ग दी सैना सफेद कोड़े उपर सवार ते सफेद ते शुद्ध मलमल लाए दे ओदे पिछें न।

¹⁵जाती-जाती गी मारने आसतै ओदे मुंह बिचा एक चोखी तलवार निकलदी ऐ। ओ लोए दा राजदंड लेते दे उंदे उपर राज करग, ते सर्वशक्तिमान परमेसर दे खतरनाक गुस्सै दी जलजलाहट दी शराव दे कुंड च दाख मिन्दगन।

¹⁶ओदे कपड़े ते लत उपर ए नां लिखे ऐ; “राजें दा राजा ते प्रभुएं दा प्रभु।”

¹⁷पी आऊँ एक सोर्गदूत गी सुरजे उपर खड़ोते दे दिखया। उस्स ने बड्डे शब्द कन्ने पकारीयै अम्बर दे बिचा उडने आले सारें पैंछीयें गी गलाया “आओ, परमेसर दे बड्डे तामें आसतै किट्ठे ओई जाओ,

¹⁸जेस कन्ने तोस राजें दा मास, ते प्रधान दा मास, ते सामर्थ आले मानु दा मास, ते कोड़े दा ते उंदे सवारें दा मास, ते के अजाद ते के नौकर, के निके ते के बड्डे, सारें लोकें दा मास खाओ।”

¹⁹पी आऊँ उस्स जानबर, ते तरती दे राजें ते उंदी सेनाएं गी उस्स कोड़े दे सवार ते उस्स दी सैना कन्ने लड़ने आसतै किट्ठे दिखया।

²⁰ओ जानबर, ते ओदे कन्ने ओ चुट्ठा पविखवक्ता पकड़ेया गीया जेस ने ओदे समुक ऐसे चेन्न दसे हे जिंदे रहें उस्स ने उनेंगी गी परमाया जिंदे उपर उस्स जानबर दी मोर हे ते जेड़े उस्स मूरत दी पुजा करदे हे। ए दमै जिंदे जी उस्स अग्ग दी चील च, जेकी गंधक कन्ने जलदी ऐ, सुट्टी दित्ते।

²¹बाकी लोक उस्स कोड़े दे सवार दी तलवार कन्ने, जेकी ओदे मुंह थमां निकलदी हे, मारी दित्ते गै; ते सारे पैंछी उंदे मॉस कन्ने रज्जी गै।