Read Dogri प्रकाशितवाक्य 20 Bible Online

प्रकाशितवाक्य 20 - Dogri bible

प्रकाशितवाक्य 20

¹पी आऊँ एक सोर्गदूत गी सोर्ग थमां उतरदे दिखया, जेसदे हत्थ च अथाह कुंड दी चाबी ते एक बड़ी जंजीर हे।

²उस्स ने उस्स अजगर, मतलब पराने सप्प गी, जेड़ा इबलीस ते शतान ऐ, पकड़ीयै इक जार साल आसतै बन्नी दिता,

³ते उसी अथाह कुंड च सुटीयें बंद करी दित्ता ते उस्स उपर मोर लाई दिती के ओ इक जार साल पूरे ओनें तकर जाती-जाती दे लोकें गी पी नेई परमाग। एस दे बाद जरुरी ऐ के ओ थोड़ी देर आसतै पी खोली दित्ता जा।

⁴पी आऊँ संहासन दिखे, ते उंदे उपर लोग बैठी गै, ते उनेंगी न्याय करने दा आक्क दित्ता गीया। आऊँ उंदी आत्मा गी बी दिखया, जिंदे सिर यीशु दी गुआई देने ते परमेसर दे वचन दे कारन कटे हे, ते जिन्हैं नां उस्स जानबर दी, ते नां उस्स दी मूरत दी पुजा कित्ती हे, ते नां उस्स दी छाप अपने मथे ते हत्थें उपर लेई हे। ओ जिंदे ओईयै मसीह कन्ने इक जार साल तकर राज करदे रे।

⁵जेस ले तकर ए इक जार साल पूरे नेई ओए ओस बेलै तकर बाकी मरे दे नेई जिंदे ओए। ए ते पैला पुनरुत्थान ऐ।

⁶धन्न ते पवित्र ओन, जेड़ा एस पैले जिंदा ओंने च शामिल ऐ। ए जें उपर दुई मौत दा कोई बी आक्क नेईयैं, लेकन ओ परमेसर ते मसीह दे याजक ओगन ते ओदे कन्ने इक जार साल तकर राज करघंन।

⁷जेस ले इक जार साल पूरे ओई जाघंन ते शतान कैद थमां छोड़ी दित्ता जाग।

⁸ओ ओनें जातीयें गी जेकी पूरी तरती उपर ओगन, मतलब गोग ते मागोग गी जिंदी गिनती समुंद्र दे रेत दे बराबर ओग, परमाइयै लड़ाई आसतै किटठा करने गी निकलग।

⁹ओ सारी तरती उपर फैलीयै पवित्र लोकें दी छावनी ते प्यारे शैर गी केरी लेघंन; ते अग्ग सोर्ग थमां उतरीयै उनेंगी गी पस्म करी देग।

¹⁰उंदा परमाने आला शतान अग्ग दे गंधक दी उस्स चील च, जेस च ओ जानबर ते चुट्ठा पविखवक्ता बी ओग, सुट्टी दिता जाग; ते ओ रात धयारे जूगे जूगे पीड़ च तड़फदे रोघंन।

¹¹पी आऊँ एक बड़ा सफेद संहासन ते उसै, जेड़ा उस्स उपर बैठे दा ऐ, दिखया; ओदे समुक थमां तरती ते अम्बर नस्सी गै, ते उंदे आसतै जगह नेई मिली।

¹²पी आऊँ निक्के बड्डे सारें गी संहासन दे समुक खड़ोते दे दिखया, ते कताबां खोलीयां गईयां; ते फिर एक ते कताब खोली गयी, मतलब जिन्दगीं दी कताब; ते जियां ओनें कताबें च लिखे दा हा, उय्यां गै उंदे कम्में दे लेखा मरें दा न्याय कित्ता गीया।

¹³समुंद्र ने ओनें मरें गी जेड़े उस्स च हे देई दित्ता, ते मौत ते नरक अग्गी दी चील च पाई दित्ते गै। ए अग्गी दी चील दुई मौत ऐ;

¹⁴मौत ते नरक अग्ग दी चील च सुट्टे गै। ए अग्ग दी चील दुई मौत ऐ;

¹⁵ते जेस कुसे दा नां जीवन दी कताब बिच लिखे दा नेई मिलया, ओ अग्ग दी चील च पाई दित्ते गीया।