Read Dogri प्रकाशितवाक्य 22 Bible Online

प्रकाशितवाक्य 22 - Dogri bible

प्रकाशितवाक्य 22

¹पी उस्स ने मिकी बिल्लोर जेई चलकदी, जिन्दगीं दे पानी दा दरया दसया, जेकी परमेसर ते मेम्ने दे संहासन थमां निकलियै

²उस्स शैर दी सिड़क दे बिचों बिच रुढ़दी हे। दरया दे एस पार ते उस्स पार जिन्दगीं दा बूट्टा हा; उस्स च बारां केसम दे फल लगदे हे, ते ओ अर मिने फलदा हा, ते उस्स बूट्टे दे पत्ते थमां जाती-जाती दे लोग चंगे ओदे हे।

³पी श्राप नेई ओग, ते परमेसर ते मेम्ने दा संहासन उस्स शैर च ओग ते ओदे दास उस्स दी सेवा करघंन।

⁴ओ उस्से आमने समने दिखघंन, ते उस्स दा नां ओदे मत्थें उपर लिखे दा ओग।

⁵पी रात नेई ओग, ते उनेंगी दीये ते सूरज दी जरुरत नेई ओग, ते परमेसर जूगे जूगे राज करघंन।

⁶पी उस्स ने मिकी आखया, “ए गल्लां बश्वास जोगियां ते सच न। प्रभु ने, जेहड़ा औने पविखवक्ताऐं दी आत्मा दा परमेसर ऐ, अपने सोर्गदूत गी एस आसतै पेजया के अपने दासें गी ओ गल्लां, जिंदा जल्दी पूरा ओना जरुरी ऐ, दसे।”

⁷“दिख, आऊँ जल्दी औने आला ऐं! तन्न ऐ ओ, जेड़ा एस कताब दी पविखवाणी दी गल्लां मनदा ऐ।”

⁸आऊँ उवै यूहन्ना ऐ, जेहड़ा ऐ गल्लां सुनदा ते दिखदा हा। जेसलें आऊँ सुनया ते दिखया, ते जेड़ा सोर्गदूत मिकी ए गल्लां दसदा हा, आऊँ ओदे पैरें उपर अराधना करने आसतै डिगी गीया।

⁹लेकन उस्स ने मेरे कन्ने आखया, “दिख, ऐसा मत कर; किके आऊँ तेरा, ते तेरे प्रा औने पविखवक्ताऐं, ते एस कताब दे मनने आलां दा संगी दास ऐं। परमेसर गी गै अराधना कर।”

¹⁰पी उस्स ने मिगी आखया, “एस कताब दी पविखवाणी दी गल्लें गी बंद मत कर; किके समां कोल ऐ।

¹¹जेहड़ा अन्याय करदा ऐ, ओ अन्याय गै करदा रवै; ते जेड़ा खराब ऐ, ओ खराब बना रवै; ते जेड़ा तरमी ऐ ओ तरमी बना रवै; ते जेहड़ा पवित्र ऐ; ओ पवित्र बना रवै।”

¹²“दिख, मैं जल्दी औने आला ऐं; ते अर एक गी कम्में दे लेखा बदला देने आसतै प्रतिफल मेरे कोल ऐ।

¹³आऊँ अल्फा ते ओमेगा, पैला ते आखर, शुरू ते अंत ऐं।

¹⁴तन्न ओन, जेड़े अपने कपड़े तोई लैंदे न, किके उनेंगी जीवन दे बूट्टे दे कोल औने दा आक्क मिलग, ते ओ दरबाजे थमां ओदे ओई शैर च परबेश करघंन।

¹⁵लेकन कुत्तें, ते टोन्हें, ते व्यभिचारी, ते अत्यारे ते मूरतपूजा, ते अर एक चुठ दा कड़ने आला बार रौग।

¹⁶“मिकी यीशु ने अपने सोर्गदूत गी एस आसतै पेजया कि थआड़े अग्गें कलीसिया दे बारै च एक गल्लें दी गुआई दियै। आऊँ दाऊद दा मूल ते वंश ते सबेरे दा चमकने आला तारा ऐं।”

¹⁷आत्मा ते दुल्हन दमै आखदियां न, “आ!” ते सुनने आला बी आखे, “आ!” जेहड़ा प्यासा ओए ओ आ, ते जेड़ा कोई चा ओ जिन्दगीं दा पानी मोफत ले।

¹⁸आऊँ अर एक गी, जेड़ा एस कताब दी पविखवाणी दी गल्लां सुनदा ऐ, गुआई दिना ऐ; जे कोई मनुक्ख इनें गल्लें च किश बदाए ते परमेसर ओनें बिपतियें गी, जेड़ीयां एस कताब लिखीयां न, उस्स उपर बदाग।

¹⁹जे कोई एस पविखवाणी दी कताब दी गल्लें बिचा किश कड्डी देग, ते परमेसर उस्स जीवन दे बूट्टे ते पवित्र शैर थमा, जेसदा वर्णन एस कताब च ऐ, उस्स दा इस्सा कड्डी देग।

²⁰जेड़ा एस गल्लें दी गुआई दिंदा ऐ ओ ए आखदा ऐ, “आं, आऊँ जल्दी औने आला ऐं।” आमीन। ए प्रभु यीशु आ!

²¹प्रभु यीशु दा क्रपा पवित्र लोकें दे कन्ने रवै। आमीन।