Read Dogri प्रकाशितवाक्य 3 Bible Online

प्रकाशितवाक्य 3 - Dogri bible

प्रकाशितवाक्य 3

¹“सरदीस दी कलीसिया दे दूत गी ए उक्म लिख, “जेसदे कोल परमेसर दी सत आत्मा ते सत तारे न, ओ ए आखदा ऐ के आऊँ तेरे कम्में गी जानना ऐ; तू जिंदा ते आखया जाना ऐ, लेकन ऐ मरे दा।

²जागी जा, ते ओनें चीजें गी जेकीयां बाकी रेई गेदियां न ते जेकीयां खत्म ओनें उपर न, उनेंगी पक्का कर; किके आऊँ तेरे कुसे कम गी अपने परमेसर दे कोल पूरा नेई पाया।

³इसै आसतै याद कर, के तू कैसी िशखया आसल कित्ती ते सुनी हे, ते उस्स च बना रै ते मने गी फेर। जे तू तेयार नेई रौगा, ते आऊँ चोरे जेया आई जाना, ते तू कदें बी नेई जानी सकगा के आऊँ किस कड़ी तेरे उपर आई पोगा।

⁴लेकन आं, सरदीस च तेरे इत्थैं ऐसे लोग बी ऐ, जिन्हैं अपने-अपने कपड़े गन्दा नेई कित्ते, ओ सफेद कपड़े लाए दे मेरे कन्ने कुमघन, किके ओ एस जोगे न।

⁵जेड़ा जय पा उसी इयां गै सफेद कपड़ा लुआया जाग, ते आऊँ उस्स दा नां जीवन दी कताब बिचा कुसे रीति कन्ने नेई कटगा; लेकन उस्स दा नां अपने पिता ते सोर्गदूत दे सामने मनी लैगा।

⁶जेसदे कन ओंन ओ सुनी ले के आत्मा कलीसिया कन्ने के आखदा ऐ।”

⁷“फिलदिलफिया दे दूत गी ए लिख, “जेड़े पवित्र ते सच्चे न, ते जेहड़ा दाऊद दी चाबी रखदा ऐ, जेसदे खोले गी कोई बंद नेई करी सकदा ते बंद कित्ते दे कोई खोली नेई सकदा, ओ ए आखदा ऐ के

⁸आऊँ तेरे कम गी जानना ऐ; दिख, आऊँ तेरे समुक एक द्वार खोले दा ऐ, जिसी कोई बंद नेई करी सकदा; तेरी समर्थ थोड़ी जेई ते ऐ, तां बी तू मेरे वचन दा पालन कित्ता ऐ ते मेरे नां दा मना नेई कित्ता।

⁹दिख, आऊँ शतान दे ओनें सभाआलें गी तेरे वश च करी देगा जेड़े यहूदी बनी बैठे दे न, लेकन ऐ नेई न बरना चुठ बोलदे न-दिख, आऊँ ऐसा करगा के ओ आईयै तेरे पैरें उपर धीरघंन, ते ए जानी लेंघन के आऊँ तेरे कन्ने प्यार रखे दा ऐ।

¹⁰तू मेरे सबर दे वचन गी थमे दा ऐ, इसै आसतै आऊँ बी तुगी परख दे उस्स बेलै बचाई रखगा जेड़े तरती उपर रैने आलें दे परखने आसतै दुनियां उपर औने आला ऐ।

¹¹आऊँ जल्दी गै औने आला ऐं; जे किश तेरे कोल ऐ उसी थमी रख के कोई तेरा मुकट छुड़काई नी ले।

¹²जेड़ा जय पा उसी आऊँ अपने परमेसर दे मंदर च एक खम्बा बनागा, ते ओ पी कदें बार नेई निकलग; ते आऊँ अपने परमेसर दा नां ते अपने परमेसर दे नग्गर मतलब नमें यरूशलेम दे नां, जेहड़ा मेरे परमेसर थमां सोर्ग बिचा उतरने आला ऐ, ते अपना नमां नां उस्स उपर लिखगा।

¹³जेसदे कन ओंन ओ सुनी ले के आत्मा कलीसिया कन्ने के आखदा ऐ।

¹⁴“लौदीकिया दी कलीसिया दे दूत गी ए लिख, “जेहड़ा आमीन ते बश्वास जुगा ते सच्चा गवाह ऐ, ते परमेसर दी सृष्टि दा मूल कारन ऐ, ओ ए आखदा ऐ के

¹⁵आऊँ तेरे कम्में गी जानना ऐं के तू नां गै ठंडा ऐ ते नां गर्म; पला ओंदा के तू ठंडा जां गर्म ओंदा।

¹⁶इसै आसतै के तू कोसा ऐं, ते नां ठंडा ऐ ते नां गर्म, आऊँ तुगी अपने मुंह बिचा उगलने उपर ऐ।

¹⁷तू आखना ऐं के आऊँ सौखा ऐं ते अमीर ओई गेदा ऐं ते मिकी कुसे चीज दी बी कमी नेई; ते ए नेई जानना के तू बद नसीब ते तुच्छ ते गरीब ते अन्नां ते नंगा ऐ।

¹⁸इसै आसतै आऊँ तुगी सल्लाह दिन्ना ऐ के अग्ग बिच ताए दा सुन्ना मेरे थमां मुलैं लै के तू सौखा ओई जाए, ते सफेद कपड़े लेई लै के लाईयै तुगी अपने नंगेपण दी शर्म नेई ओए, ते अपनी अखीयैं च लाने आसतै सुरमा लेई लै के तू दिखन लगे।

¹⁹आऊँ जिंदे जिंदे कन्ने प्यार रखना ऐ, उनेंगी सबनीं गी लामा ते सजा बी दिना ऐ; इसै आसतै सरगर्म ओ ते मने गी फेर।

²⁰दिख, आऊँ दरबाजे उपर खड़ोते दे खड़काना ऐ; जे कोई मेरा वचन सुनीयै दरबाजा खोलग, ते आऊँ ओदे कोल आईयै ओदे कन्ने रुट्टी खागा ते ओ, मेरे कन्ने।

²¹जेहड़ा जय पा आऊँ उसी अपने कन्ने अपने संहासन उपर बठागा, जियां आऊँ बी जय पाईयै अपने पिता दे कन्ने उस्स संहासन उपर बैठी गीया।

²²जेसदे कन ओंन ओ सुनी ले के आत्मा कलीसिया कन्ने के आखदा ऐ।”