Read Dogri प्रकाशितवाक्य 4 Bible Online

प्रकाशितवाक्य 4 - Dogri bible

प्रकाशितवाक्य 4

¹इनें गल्लें दे बाद जेकी आऊँ दृष्टि कित्ती ते के दिखना ऐ के सोर्ग च एक दरबाजा खुले दा ऐ, ते जिसी आऊँ पैलैं तुरी दे जे शब्द कन्ने अपने कन्ने गल्लां करदे सुनया हा, उवै आखदा ऐ, “इत्थैं उपर आई जा; ते आऊँ ओ गल्लां तुगी दसगा, जिंदा इनें गल्लें थमां बाद पूरा ओना जरुरी ऐ।”

²फोरन आऊँ आत्मा च आई गीया; ते के दिखना ऐ के एक संहासन सोर्ग च रखे दा ऐ, ते उस्स संहासन उपर कोई बैठे दा ऐ।

³जेहड़ा उस्स उपर बैठा ऐ ओ यशब ते माणिक्य जेया लबदा ऐ, ते उस्स संहासन दे चोने पासें मरकत जेया एक मेघतनष लबदा ऐ।

⁴उस्स संहासन दे चोने पासें चौबी संहासन न; ते इनें संहासने उपर चौबी प्राचीन सफेद कपड़े लाए दे बैठे न, ते उंदे सिरे उपर सुन्ने दे मुकट न।

⁵उस्स संहासने बिचै बिजलियां ते गर्जन निकलदे न ते संहासन दे समुक अग्ग दे सत दीये जला दे न, ओ परमेसर दी सत आत्मा न,

⁶ते उस्स संहासन दे समुक मनो बिल्लोर जेया शीशे दा समुंद्र ऐ। संहासन दे बिच ते संहासन दे चोने पासें चार लोग न, जिंदे अग्गें-पिछें अखीयाँ गै अखीयाँ न।

⁷पैला लोग शेर जेया ऐ, ते दुआ लोग बछड़ें जेया ऐ, त्रिये लोग दा मुंह मनुक्ख जेया ऐ, ते चोथा लोग उड़दे उकाब जेया ऐ।

⁸चोने प्राणियें दे छें-छें पर न, उंदे चोने बखी ते कोल अखीयाँ गै अखीयाँ न; ते ओ रात देन बगैर अराम दे ए आखदे रैंदे न, “पवित्र, पवित्र, पवित्र प्रभु परमेसर, सर्वशक्तिमान, जेहड़ा ऐहा ते जेहड़ा ऐ ते जेहड़ा औने आला ऐ।”

⁹जेस ले ओ लोग उस्स दी जेहड़ा संहासन उपर बैठा ऐ, ते जेहड़ा जुगा नु जुग जिंदा ऐ, मैमा ते आदर ते तन्वाद करगे;

¹⁰ओस बेलै चौबी प्राचीन संहासन उपर बैठने आले दे समुक किरी जांघन, ते उसी जेहड़ा जुगा नु जुग जिंदा ऐ परणाम करघंन; ते ओ अपने-अपने मुकट संहासन दे समुक ए आखदे ओई सुट्टी देघंन,

¹¹“ए साड़े प्रभु ते परमेसर, तूंऐं मैमा ते आदर ते समर्थ दे काबल ऐ; किके तू गै सारीयां चीजां बनाईयां ते ओ तेरी गै मर्जी कन्ने हियां ते बनाई गेईयां।”