Read Dogri प्रकाशितवाक्य 5 Bible Online

प्रकाशितवाक्य 5 - Dogri bible

प्रकाशितवाक्य 5

¹जेहड़ा संहासन उपर बैठा हा, आऊँ ओदे सज्जे हत्थ च एक कताब दिखी जेकी अन्दर ते बार लिखी दी हे, ते ओ सत मोर लाईयै बंद कित्ती हे

²पी आऊँ एक जोरे आले सोर्गदूत गी दिखया जेहड़ा उच्चे शब्द कन्ने ए पाशन करदा हा, “एस कताब गी खोलने ते उस्स दी मोरां तोड़ने दे काबल कुन्न ऐ?”

³लेकन नां सोर्ग च, नां तरती उप्पर, नां तरती दे थलै कोई उस्स कताब गी खोलने जां उस्स उपर दृष्टि मारने दे काबल निकलया।

⁴ओस बेलै आऊँ फूटी-फूटी रौन लगया, किके उस्स कताब दे खोलने जां उस्स उपर दृष्टि मारने दे काबल कोई नेई मिलया।

⁵एस उपर ओनें प्राचीनें बिचा एक ने मेरे कन्ने आखया, “मत रो; दिख, यहूदा दे गोत्र दा ओ शेर जेहड़ा दाऊद दा मूल ऐ, उस्स कताब दे खोलने ते उस्स दी सत्तें मोरां तोड़ने आसतै जयवंत ओया ऐ।”

⁶ओस बेलै आऊँ उस्स संहासन ते चोने प्राणियें ते ओनें प्राचीनें बिच, मनो एक करबान कित्ते दा मेम्ना खड़ोते दा दिखया। ओदे सत सिंग ते सत अखीयाँ हियां; ए परमेसर दी सत आत्मा न जेकीयां सारी तरती उपर पेजी गेदियां न।

⁷उस्स ने आईयै ओदे सज्जे हत्थ च जेहड़ा संहासन उपर बैठा हा, ओ कताब लेई।

⁸जेस ले उस्स ने कताब लेई, ते ओ चारें प्राणी ते चौबी प्राचीन उस्स मेम्ने दे सामने किरी पे। उंदे बिचा अर एक दे हत्थे बिच वीणा ते तूफ, जेकीयां पवित्र लोकें दी प्रार्थनां न, कन्ने परोचे दे सुन्ने दे कटोरे हे।

⁹ओ ए नमां गाना लगे, “तू एस कताब दे लेने, ते एस दी मोरां खोलने दे काबल ऐ; किके तू करबान ओईयै अपने खून कन्ने अर एक कुल ते अर एक पाषा ते लोग ते जाती थमां परमेसर आसतै लोकें गी खरीदी लेता ऐ,

¹⁰“ते उनेंगी साड़े परमेसर आसतै एक राज ते एक याजक बनाया; ते ओ तरती उपर राज करदे न।”

¹¹जेस ले आऊँ दिखया, ते उस्स संहासन ते ओनें लोगयें ते ओनें प्राचीनें दे चोने पासे मते सारे सोर्गदूत दा शब्द सुनया, जिंदी गिनती लखें दे करोड़ें दी हे,

¹²ते ओ उच्चे बाज कन्ने आखदे हे, “करबान कित्ते दा मेम्ना गै सामर्थ ते तन ते अक्ल ते समर्थ ते आदर ते मैमा ते तन्वाद दे जोग ऐ।”

¹³पी आऊँ सोर्ग च ते तरती उपर ते तरती दे थलै ते समुंद्र दी सब बनाई दी चीजें गी, ते सारे किश गी जेहड़ा उंदे बिच ऐ, ए आखदे सुनया, “जेहड़ा संहासन उपर बैठा ऐ उस्स दा ते मेम्ने दा तन्वाद ते आदर ते मैमा ते राज जुगा नु जुग रवै!”

¹⁴ते चोने प्राणियें आमीन आखया, ते प्राचीनैं ढीगीयै मत्था टेकेया कित्ता।