Read Dogri प्रकाशितवाक्य 9 Bible Online

प्रकाशितवाक्य 9 - Dogri bible

प्रकाशितवाक्य 9

¹जेस ले पंजमें सोर्गदूत ने तुरी फुकी, ते आऊँ सोर्ग थमां तरती उपर एक तारा किरदा दिखया, ते उसी अथाह कुंड दी चाबी दिती गई।

²उस्स ने अथाह कुंड गी खोलया, ते कुंड बिचा बड़ी पठ्ठी जेया तुंआ उठया, ते कुंड दे तूंऐं थमां सूरज ते अवा नेरे ओई गै।

³उस्स तूंऐं बिचा तरती उपर त्रिडियां निकलीयां, ते उनेंगी तरती दे बिछुं आली सामर्थ दिती गई।

⁴उंदे कन्ने आखया गीया के नां तरती दी काह गी, नां कुसे अरियाली गी, नां कुसे बूट्टे गी नुस्कान पूजे, सिर्फ ओनें मनुक्खें गी नुस्कान पजान जिंदे उपर परमेसर दी मोर नेईयैं।

⁵उनेंगी लोकें गी मारी देने दा ते नेई लेकन पंज मिने तकर पीड़ देने दा आक्क दिता गीया; ते उंदी पीड़ ऐसी हे जियां बिछुं दे डंग मारने कन्ने मनुक्ख गी ओंदी ऐ।

⁶उनेंगी धयारे च मनुक्ख मौत गी टूंडगन ते नेई पाघंन; ते मरने दी मरजी करघंन, ते उंदे थमां नसग।

⁷ओनें त्रिडीयें दे आकार लड़ाई आसतै तयार कित्ते दे कोड़े जे हे, ते उंदे सिरे उपर मनो सुन्ने दे मुकट हे; ते उंदे मुंह मनुक्खें जे हे।

⁸उंदे बाल जनानीयें दे बाल जे ते दंद शेरें दे दंद जे हे।

⁹ओ लुए दी झिलम लाए दे हे; ते उंदे फंगें दा शब्द ऐसा हा जियां रथ ते मते सारे कोड़े दा जेड़े लड़ाई च दौड़दे ओन।

¹⁰उंदी दुंब बिछुंएं जे हे ते उंदे बिच डंग हे, ते उनेंगी पंज मिने तकर मनुक्खें गी दुःख पजाने दी जेकी सामर्थ मिली हे, ओ उंदी दूंबें च हे।

¹¹अथाह कुंड दा दूत उंदे उपर राजा हा; उस्स दा नां इब्रानी च अबदोन, ते यूनानी च अप्पुलयोन ऐ।

¹²पैली बिपत्ती बीती गई, दिखो, हूंन एस दे बाद दो बिपतियाँ ते बी औने आलियां न।

¹³जेस ले छेमे सोर्गदूत ने तुरी फुकी ते सुन्ने दी बेदी जेकी परमेसर दे समुक ऐ ओदे सींगें बिचा आऊँ ऐसा शब्द सुनया,

¹⁴मनो कोई छेमे सोर्गदूत थमा, जेसदे कोल तुरी हे, आखादा ऐ, “ऊन चार सुर्गदूतें गी जेड़े बड़ी नदी फरात दे कोल बनोदे न, खोली दे।”

¹⁵ओ चारें सोर्गदूत खोली दित्ते गै जेड़े उस्स कड़ी, ते धयारे, ते मिने, ते साल आसतै मनुक्खें दी एक तिहाई गी मारने आसतै तयार कित्ते गै हे।

¹⁶उंदी फौज दे सवारें दी गिनती बी करोड़ हे; आऊँ उंदी गिनती सुनी।

¹⁷मिकी एस दर्शन च कोड़े ते उंदे ऐसे सवार लब्बे जिंदी झील आऊँ अग्ग, ते धूम्रकान्त, ते गंधक जेई हियां, ते ओनें कोड़े दे सिर शेरें जे हे; ते उंदे मुंह बिचा अग्ग, तुंआ ते गंधक निकलदे हे।

¹⁸ए त्रैवे महामारीयां मतलब अग्ग ते तूंऐं ते गंधक थमा, जेड़े उंदे मुंह थमां निकलदे हे मनुक्खें दी एक तिहाई मारी दिती गई।

¹⁹किके ओनें कोड़े दी सामर्थ उंदे मुंह ते उंदी दूंबें च हे; इसै आसतै के उंदी दूंबां सप्पें जेईयां हियां, ते ओनें दूंबें दे सिर बी हे ते इनां थमां गै ओ पीड़ बी पजांदे दे हे।

²⁰बाकी मनुक्खें जेड़े ओनें मारीयै थमां नेई मरे न, अपने हत्थें दे कम्में थमां मन नेई पिया, के दोष्टआत्मायें दी, ते सुन्ने ते चांदी, ते पीतल ते पांड़े ते काठ दी मूरतीयें दी पुजा नेई करन जेकी नां दिखी, नां सुनी, नां चली सकदीयां न;

²¹ते जेहड़ा खून, ते टोना, ते ब्यभिचार, ते चोरी उनै कित्ती हे, उंदे थमां मन नेई फराया।