Read Doyayo IBRANIŊKO 3 Bible Online

IBRANIŊKO 3 - Doyayo bible

IBRANIŊKO 3

¹Yɔ anbɔ, yɛ̧ɛ̧dɛ wɛ, Bɛt elin lɛlgbun an nɛ rek nɛ tuur ^ bɛtha hi wiya, seen Yeesu , Za̧a̧nyɔ wɛ book dɔglɔ a gi tɔmsya yɔ Bɛt yaazig hi Bɛtmaakwookya gbɔɔl mɔɔt yɔ wɛ gig ɗɔbsig giya.

²Yeesu woos za̧a̧nyɔ gbaag nɛ woos hi tɛŋko an Muusa woos yɔ woo nɛ sɛw a Bɛt raadu sɛw.

³Za̧a̧nyɔ gi wɔŋk luko, hi ɗɔbsig daar luk bɔ daarɔ. Yɔ anbɔ be, Yeesu dag gbɔlums daar Muusa ɔnɛ bɔ lɛl be.

⁴(Ya̧a̧nɛ, luk yɔ gi sɛw doo wɔŋge. Yɛrɛ za̧a̧nyɔ kim hin sɛw, Bɛt giya. )

⁵Muusa ɔ̧nɛ woohin hi tɛŋk a Bɛt raa du sɛw an woosya, an gi boo hin wɔ gɔ hi dɔg kuudu dɔglya̧.

⁶Yɛrɛ Kristu woohin hi tɛŋk a Bɛt raadu anyɔ gi waawalɔ, Bɛt gbàag an raatɔ zulya. Bɛt raatɔ gɛ wɛya. An wɛ ook hinyɔ raa a gi gààwɛ hi tɛŋko, wɛ wa̧a̧k dɔglɔ hi walumsɛ hi hat gbɔɔltɔnɔ gi tuur a da̧a̧ki, gi gi anbɔ, wɛ gi Bɛt raatɔ bɔ gii ma.

⁷Hinɔ gii an hinyɔ Bɛt Mɔkilɔ gi raako: a nɛɛko nɛ́ kɛm kɔlkɔ,

⁸bɔnɛ ɓaas kpoos nɛ anyɔ baa nɛ hi ɓats nɛ Bɛt zul a maatil bɔ a hɛtdɔŋdu ɔ̧tɔge,

⁹a lɛlyɔ baa nɛ hi maatib ge an hi goobe hi gbɛn woos be wɛl dumbili nasɔ.

¹⁰Ya̧a̧nɛ hin gi nɔɔb a dood wɔ waabil bɔrɔ duge hi zulha be dɔgɔ: a kpoosya̧ gɔ waa gbɔnɔ waki, hí mɛ̄ɛ̄ gbɔnɔ be gɛ.

¹¹Yɔ anbɔ, be dɛŋgl nɛ hin hi nɔɔtigi: a hi taa gulik a be holumlɛl bɔ ge!

¹²Yɛ̧ɛ̧dɛ mi wɛ, oon zul nɛ an bɔ doo za nɛ teesdu kpoosɔ gi ha̧a̧lɔ gi zɛmr gi ɔɔ Bɛt za̧a̧til bɔ fɔkɔ.

¹³Yɛrɛ watinnɛ hinɛ nɛ gaatin tɛŋk ɔ̧t nuŋg sɛw an ɔ̧tyɔ hi elik a ꞋꞋnɛɛkoꞋꞋ gi kete gi da̧a̧dir gɛ, an bɔ hinha̧a̧l gi maat doo za gi ɓaas kpoosɔ.

¹⁴Ya̧a̧nɛ, wɛ waak ɗɔbsig hi kpoos wɛ gbunu an yɛɛlik yɔ wɛ yɛɛl nɛko gi tuur a da̧a̧ki, wɛ gi Kristu saamɔ hii gɔ,

¹⁵anyɔ Bɛt ɗɛɛrwolɔ raa: a nɛɛko nɛ́ kɛm ya̧a̧ɔ, bɔnɛ ɓaas kpoos nɛ anyɔ baa nɛ hi ɓats nɛ Bɛt zulɛ.

¹⁶Bɔ doodya̧ lag Bɛt ya̧a̧ɔ hi ɓatsig zulɛ? Nɛ gɛ dood wɔ Muusa tuusihi a Misra sɛw ma mi?

¹⁷Hin nɔɔ Bɛt hi bɔ doodya̧ wɛl dumbili nasɔ? Nɛ gɛ dood hinha̧a̧lya wɔ wɔrkya̧ kus a hɛtdɔŋ du ma mi?

¹⁸Bɛt dɛŋgls bɔ doodya̧ hin a hi taa nɛ gulik a holumlɛlɔ bɔ gedu zaŋgi? Nɛ gɛ dood wɔ hi kɛmsig tɔn gɛ ma mi?

¹⁹Yɔ anbɔ, wɛ gbɛn a yɔ hi ta̧a̧ ɗɔbsig gɛ gii hi ɗɛ̄ɛ̄ gulik a holumlɛl bɔ gedu gɛ.