Read Doyayo IBRANIŊKO 8 Bible Online

IBRANIŊKO 8 - Doyayo bible

IBRANIŊKO 8

¹Dɔgl bɔ zulɔ wɛ dɔko: gɛ a wɛ gin Bɛtmaakwookya gbɔɔl mɔɔt yɔ gaa a Bɛt muutdu faa, ɗɔɔt a bɛtha gbɔɔlɔyɔ gi a Bɛt tɛŋkya waar ums ɗɔɔtillɛlɛ a naanrɔbo,

²an Bɛtmaakwookya a lɛl gaat bɔ ge hi luk gbandilya̧ rɔb bɔ yɔ Waar Bɛt gɔ hi zulɔ gedu, doo naan gɔ gɛ.

³Hi gbaa Bɛtmaakwookya gbɔɔl mɔɔt yɔ gi sɛw an gi gaa Bɛt gaasɛ hi namb gbɛɛriki an gi woon Bɛtmaako. A gedu, gi an Bɛtmaakwookya yɛrɛ Yeesu gi dag hinza an gi woos Bɛt be.

⁴An ginɛ doo hɛbtdi, taa an gi wɛɛ nɛ Bɛtmaak-wookya hɛw, anyɔ Bɛtmaakwookya zaadɛ hi giro hi gi Bɛt gaas gaanik hi Muusa maakdɔglɛ.

⁵Bɛtluk bɔ doodya̧ hi wookwoos gedu gi lɛlgaat bɔ bɛtha fɔtɔ ɔ̧ɔ̧ hi zeksɔ anyɔ Bɛt raas Muusa yɔ yɛɛl luk gbandilya bɔ gɔko: Bɛt raage: a dagum mɔkil mɔ rɔbtɔnɔ an mɔ woo lukgbandilya bɔ hinɔ wɔ sɛw anyɔ be da be zunsum a ga̧a̧tha.

⁶Yɛrɛ ɓɔryɔ Yeesu dag woos gbɔɔl yɔ daar Bɛt-maakwookya woos amnt bɔ lɛl gbɔɔltɔnɔ. Yɔ anbɔ be, ya̧a̧wɔk yɔ wɔb Bɛt teesdu hi doodɛ daarin amnt bɔ rɔbs daarinu, anyɔ hin rɔbɛ wɔ Bɛt raa a bé gaawɛ hi bɛr hi daar hin wɔ raa nɛ a ya̧a̧wɔk amnt bɔ gedu.

⁷Yɔ anbɔ à ya̧a̧-ɔksig doos bɔ taan nɛ hin-a̧a̧bi, yɔ taa nɛ an hi loo zaa eesumɛ hi yɛn lɛlɔge.

⁸Ya̧a̧nɛ, Waar Bɛt gi za̧br Israhilaya wɔ gi raa: a bee Waar Bɛto be raa: a yɛrɛ ɔ̧t wɔ hi zaako, be wɛɛ be wɔya̧a̧ sego hi Israhila doodɔ hi Yahuda doodɔ.

⁹Ya̧a̧wɔkɔ taa anyɔ be gɔ nɛ hi baaya̧ hii a ɔ̧tyɔ be wa̧a̧zihi naan du an be tudzihi a Misra hɛbt du, hi fɔ̄b ya̧a̧wɔk be bɔ gɛ, ya̧a̧nɛ Waar Bɛt gi raa: a bee hɛw be ɔɔhi gɔ be.

¹⁰Waar Bɛt wɛɛ raa: a yɛrɛ ya̧a̧wɔk zaa yɔ gɔ be wɛɛ be wɔb hi Israhila doodɔ a ɔ̧t wɔrɔ hi kuudu gɛrɛ: be gudsihi maakdɔgl be a hi mɔkil du be bi̧i̧hi a hi kpoos du, be wɛɛsihi Bɛtya̧, hii be hi wɛɛsib dood benɛ.

¹¹Taa an doo za gi ha̧a̧g an gi goks naaza yɔ hi waak el a hɛbt bɔ gedu hinɛ, zaabe dooɔ za hinɛ: a mɛɛm Waar Bɛto! Yɔ anbɔ dood sɛw hi mɛ̍ɛ̍be, gi yɛɛl a ya̧a̧mwaato gi tuur a dood gbɔlɛ.

¹²Bé mɛɛsihi ya̧a̧rɛ be bitsihi woos ha̧a̧lya̧ wɔ dɔglɔ, be wɛɛ be taa hinha̧a̧lya̧ zaa mɔkugo.

¹³Anyɔ Waar Bɛt boo ya̧a̧wɔk za seg bɔ dɔglɔ, wɛɛ wɛɛn ya̧a̧wɔk biitir bɔ hin amnti ma. Yɔ anbɔ hinyɔ a̧mɔ, hi hinyɔ wɔmɔ, hi sɛ̧ɛ̧bɔ an hi wagɔ.