Read Doyayo 2 YOHANA 1 Bible Online

2 YOHANA 1 - Doyayo bible

2 YOHANA 1

¹Mii ɗɛnt bɔ, mi gi bi̧i̧sig naad bɔ yɔ Bɛt herige hi waatɔ wɔ hii ɗɛɛrwol yɛrɛ. Ha̧a̧m a nɛ muul hi rɔbo, hā̧ā̧ mii kpɔd gɛ, ha̧a̧ wɔ hi mɛɛ rɔ́b dɔgl sɛw hɛw.

²Ha̧a̧m a nɛɛge a rɔ́b dɔgl bɔ gi waak ɔksig gbun hi wɛɛ dɔŋgo. Gi waawa hi wɛɛ faa be.

³An Baa Bɛt hi Yeesu Kristu, yɔ gi waawalɔ gi gaawɛ rɔbsɛ, ya̧a̧rmɛɛki hi boolumi, a rɔb gbɔnɔ du hi hato.

⁴Mi dag hat gbɔɔltɔnɔ anyɔ mi zɛm waat mɔ zaadɛ hi waak a rɔb gbɔnɔ du anyɔ Baa wɛ Bɛt raawɛ.

⁵Yɛrɛ nàa, hinyɔ mi gim ɛrko, hinɔ taa an mi gisin dɔgl seg bi̧i̧ko, gi dɔglyɔ wɛ gin nɛ amntɔnɔ gi yɛɛl a biitirnaandu gii an gi ha̧a̧tinwɛ.

⁶Hinyɔ raakɔ a ha̧a̧wɛ Bɛto, gɛ: a wɛ wa̧a̧ dɔglɔ wɔ raawɛ. Dɔglyɔ raawɛ gɛ: a wɛ fɔ Bɛt ha̧a̧tigɔ gii anyɔ hi goksin da biitirnaandu.

⁷Yɔ anbɔ, dood ya̧a̧gɔ̧ɔ̧nyaadɛ hi tuuz a waal du kittɔnɔ, hā̧ā̧hi an hi ta̧a̧ a Yeesu Kristu zaa an dooyɔ hi rɔb gɛ. Za̧a̧n bɔ anbɔ gii gi doo ya̧a̧gɔ̧ɔ̧nya, wɛɛ gi Kristu lɔlhɛ̧ɛ̧nikyayɔ.

⁸Oon zul nɛ an bɔnɛ wags woos nɛ bɔ humlɔ, an nɛ dag dɔɔrɔɔs nɛ hi̧i̧sili.

⁹Za̧a̧nyɔ rek doos hɛmltɔnɔ gi wāā a Kristu hingok du gɛ, ɔks hi Bɛt gɛ; za̧a̧nyɔ waa a hinyɔ hi gogsig gedu be, ɔks hi Baa wɛ Bɛt hi waawal bɔ du.

¹⁰Za̧a̧nza gi zaa a nɛɛge gi gōgsin hin yɛrɛ gɛ, bɔnɛ zeg nɛ raa du, bɔnɛ wɛɛ nɛ booge a seko.

¹¹Yɔ anbɔ za̧a̧nɔ gi boog a seko hi zaaki sa̧a̧ɔ, ɔɔks hi gii a gi woos ha̧a̧l bɔ gedu.

¹²Anyɔ mi gin hin kittɔnɔ an mi bi̧i̧sin si̧, hā̧ā̧m an mi gɔn ɗɛɛrwoli hi hinbi̧i̧nik mɛkya gɛ. Mi dɔgrik an mi rek mi sɔ̧ɔ̧nɛ, mi boosin hin ya̧a̧ du hi ya̧a̧ du an hat wɛ gi tɔɔ gi daarlɛlɛ.

¹³Siŋg mɔ bɔ Bɛt herige waatɔ wɔ hi boom du. Anbɔ.