Read Doyayo HINWƆ HI MITS YOHANA 4 Bible Online

HINWƆ HI MITS YOHANA 4 - Doyayo bible

HINWƆ HI MITS YOHANA 4

¹Kuudu, yɔ hin wɔrɔ hi talɔ, mi wɛɛ mi seelɔl bɛtha mi gbɛn gbɔnɔ gboor a bɛtha, wɛɛ ya̧a̧boon biitir bɔ mi kɛm nɛ gim nɛ book an pɔ̧rɔ, raa: a kazum hɛdi be zunsum hinyɔ gi an gi tuur kuudu.

²Ɓɔrbɔ Bɛt Mɔkilɔ zaa zɛmr kol mi, mi gbɛn waar ums ɗɔɔtillɛl a bɛtha duhɔ, za̧a̧n za gi ɗɔɔtig hage.

³Za̧a̧n bɔ muutɔ gaa an bet rɔb yɔ nuŋgɔ a zasbayɔ hi bet hob rɔb za nuŋgɔ a sardisyɔ. Bɛlpɛɛri an bet fa̧sya rɔbyɔ nuŋgɔ a imɛraad yɔ rɔb waar ums ɗɔɔtillɛl bɔ.

⁴Waar ums ɗɔɔtillɛl zaadɛ yɔ̧ɔ̧lgbunu daa nasɔ hi gɔ̧ɔ̧ge. Ɗɛntɛ yɔ̧ɔ̧lgbun daa nas be hi ɗɔɔtig a waar ums ɗɔɔtillɛl wɔ. Hi heg gbandil buudɛ muulɛ hi waar ums kal wɔ hi gɔn hɛɛlmɔt a hi zulha.

⁵A waar ums ɗɔɔtillɛl bɔ teesɔ du hinza hi tuuzig an bɛlya̧bsɛ, an ya̧a̧-boonɛ hi bɛlya̧a̧sɛɛki. Laa nɔɔn-erɛ hi kak a waar ums ɗɔɔtillɛl bɔ gi muut du; laa nɔɔn-er wɔrɔ hi gi Bɛt Mɔkilɔ nɔɔn-er wɔ hiya.

⁶Hinza gi a waar ums ɗɔɔtillɛl bɔ gi muutdu riitin an mɛmbal gaa fɛr an daarugali. Hinza̧a̧til nasɔ hi gɔ̧ɔ̧ waar ums ɗɔɔtillɛl bɔ tɔlɔya̧ wɔ, muutya̧ hi kuuya̧ sɛw hi hi̧i̧s hi lɔlɛ.

⁷Hinza̧a̧til biitir bɔ riitin an naamnɔɔ, eesim bɔ be riitin an nawalɔ, taasim bɔ muutɔ riitin an doo muuto, nasums bɔ riitin an seereere gi riŋk bɛtha.

⁸Hinza̧a̧til wɔ nasɔ hi gin pakir nɔɔn-gbunu, nɔɔn-gbunu; wɛɛ lɔl hi yɔ̧ɔ̧s muulya̧ sɛw hi buuya̧ du sɛw. Lurk du hi yɛms du sɛw hi hol gɛ hi waasig dɔki: a Doo Gaati, Gaati, Gaati, gɛ Waar Bɛt Tɛŋkya-Sɛw, yɔ da giro, yɔ gi nɛɛko hi yɔ gɔ gi zaa!

⁹Yɔ hinza̧a̧til wɔ hi gis za̧a̧n bɔ gi waak faa, bɔ ɗɔɔt a waar ums ɗɔɔtillɛl bɔ ge gii hin-ɛɛko an hi tɔɔsige hi ɗɔbsige hi baanige,

¹⁰ɗɛntɛ yɔ̧ɔ̧lgbun daa nas wɔ hi zagl a za̧a̧n bɔ ɗɔɔt a waar ums ɗɔɔtillɛl bɔ geha gi muutdu hi ɗɔbsig za̧a̧nyɔ gi waak faa. Hi hod waar umsya̧ kal wɔ hi gbaa a waar ums ɗɔɔtillɛl bɔ dɔŋgɔdi hi raako:

¹¹a Waar wi gbɔɔlɛ hi Bɛt wi, mɔ rii an mɔ dag gbɔlumsɛ hi ɗɔbsigi hi tɛŋko. Ya̧a̧nɛ, mɔɔ kim hin sɛw, ha̧a̧ mɔya, mɔ ki̧hi mɔ gaahi kolɛ.