Read Елизаветинская Библия, 1751 1-я Паралипоменон 1 Bible Online

1-я Паралипоменон 1 - Елизаветинская Библия, 1751 bible

1-я Паралипоменон 1

¹Адам, сиф, енос,

²каинан, малелеил, иаред,

³енох, мафусал, ламех,

⁴ное, сим, хам, иафеф.

⁵Сынове иафефовы: гамер и магог и мадай, иован, елиса и фовел, и мосох и фирас.

⁶Сынове же гамеровы: асханаз и рифаф и форгама.

⁷Сынове же иовани: елиса и фарсис, и хеттим и доданим.

⁸Сынове же хамовы: хус и месраим, фуд и ханаан.

⁹Сынове же хусовы: сава и евила, и савафа и регма и севефаха. Сынове же регмановы: сава и дадан.

¹⁰Хус же роди неврода: сей нача быти исполин ловец на земли.

¹¹Месраим же роди лодиима и анамиима, и лавиима и неффосеимы,

¹²и фафероимы и патросониимы, и хаслоимы, от нихже изыдоша филистими, и каффориимы.

¹³Ханаан же роди сидона первенца своего и хеттеа,

¹⁴и иевусеа и аморреа, и гергесеа

¹⁵и евеа, и арукеа и асенеа,

¹⁶и арадиа и самареа и амафиа.

¹⁷Сынове же симовы: елам и ассур, и арфаксад и луд и арам. Сынове же арамли: уз и ул, и гефер и мосох.

¹⁸Арфаксад же роди каинана, каинан же роди салу, сала же роди евера.

¹⁹Еверу же родистася два сына: имя единому фалек, яко бо дни его разделена бысть земля, и имя брату его иектан.

²⁰Иектан же роди елмодада и салефа, и асермофа и иадера,

²¹и адорама и узала, и деклу

²²и гамаала, и авимеила и саву,

²³и уфира и евилата и иоава: вси сии сынове иектановы.

²⁴Сынове же симовы: арфаксад, каинан, сала,

²⁵евер, фалек, рагав,

²⁶серух, нахор, фара,

²⁷аврам, той есть авраам.

²⁸Сынове же авраамли: исаак и исмаил.

²⁹Сии же роди их: первенец исмаилов наваиоф и кидар, и навдеил и мавсан,

³⁰и масма и идума, и массий и ходдад, и феман

³¹и иетур, и нафес и кедма: сии суть сынове исмаили.

³²Сынове же хеттуры подложницы авраамовы, и роди ему зомврана и иезана, и мадала и мадиама, и иесвока и суеа. Сынове же иезани: сава и дедан. Сынове же дедановы: рагуил и навдеил, и ассуриим и латусиим и асомин.

³³Сынове же мадиамли: гефар и офер, и енох и авида и елдад: вси тии сынове хеттурини. Роди же авраам исаака.

³⁴Сынове же исааковы исав и израиль.

³⁵Сынове же исавовы: елифаз и рагуил, и иевул и иеглом и корей.

³⁶Сынове елифазовы: феман и омар, и софар и гофам и кенез. Фамна же подложница елифазова роди ему амалика.

³⁷Сынове же рагуилевы: нахеф и заре, и сомме и мозе.

³⁸Сынове же сиировы: лотан и совал, и севегон и ана, и дисон и асар и рисон.

³⁹Сынове же лотани: хорри и еман, и сестре лотаня фамна.

⁴⁰Сынове же совали: адуар и манааф, и увал и саифи и онан. Сынове же севегони: аиа и онам.

⁴¹Сынове же анани: дисон и еливама, дщи ананя, двое. Сынове же дисоновы: амада и есеван, и ефран и харран.

⁴²Сынове же асаровы: валаам и занан и илакан, и сынове дисони: ос и арран.

⁴³И сии царие их, иже царствоваша в земли едомли, прежде неже бысть царь над сыны израилевыми: валак сын веоров, и имя граду его деннава:

⁴⁴умре же валак, и царствова вместо его иовав, сын зарин, от восорры.

⁴⁵И умре иовав, и царствова вместо его асом от земли феманони.

⁴⁶И умре асом, и царствова вместо его адад, сын варадов, иже порази мадиама на поли моавли: и имя граду его гетфем.

⁴⁷И умре адад, и царствова вместо его самаа от мессеккаса.

⁴⁸И умре самаа, и царствова вместо его саул от роовофа, иже близ реки.

⁴⁹Умре же саул, и царствова вместо его валаеннон сын аховоров.

⁵⁰И умре валаеннон, и царствова вместо его адад сын варадов, егоже граду имя бе фогор и имя жене его метевеиль, дщерь матраифа.

⁵¹И умре адад, и начаша быти князи едомли: князь феман, князь алуа, князь иефаф,

⁵²князь еливама, князь ила, князь финон,

⁵³князь кенез, князь феман, князь вамаил,

⁵⁴князь гамесил, князь арераман. Сии быша князи едомстии.