Read Елизаветинская Библия, 1751 1-я Паралипоменон 2 Bible Online

1-я Паралипоменон 2 - Елизаветинская Библия, 1751 bible

1-я Паралипоменон 2

¹Сынове же израилевы сии суть: рувим, симеон, левий, иуда, иссахар, завулон,

²дан, иосиф, вениамин, неффалим, гад и асир.

³Сынове иудины: ир, авнан и силом: сии трие родишася ему от дщере савы хананитяныни. Бысть же ир первенец иудин лукав пред Господем: и уби его.

⁴Фамарь же невестка его роди ему фареса и зару. Всех сынов иудиных пять.

⁵Сынове же фаресовы: есром и иемуил.

⁶Сынове же зарины: замврий и ифам, и емуан и калхад и даралей: всех пять.

⁷Сынове же хармиины ахар, иже смути израиля, иже сложися на проклятие.

⁸И сынове ифамли азариа.

⁹Сынове же есромовы, иже родишася ему: иерамеил и арам и халови.

¹⁰Арам же роди аминадава, аминадав же роди наассона, князя дому иудину,

¹¹наассон же роди салмона, и салмон роди вооза,

¹²и вооз роди овида, и овид роди иессеа.

¹³Иессей же роди первенца своего елиава, и втораго аминадава, и третияго самеа,

¹⁴и четвертаго нафанаила, и пятаго реила,

¹⁵и шестаго асака, и седмаго давида.

¹⁶И сестры их быша: саруиа и авигеа. Сынове же саруины: авесса и иоав и асаил, трие сии.

¹⁷Авигеа же роди амессу, егоже отец бысть иофор исмаилтянин.

¹⁸И халев сын есромов поя жену азуву и иериофу. И сии сынове ея: иасар и сував и ардон.

¹⁹И умре азува, и взя себе халев жену ефрафу, яже роди ему ора,

²⁰ор же роди урию, и уриа роди веселеила.

²¹По сем же вниде есром ко дщери махира отца галаадова, и сей поя ю, сый в летех шестидесяти пятих: и роди ему сегува.

²²Сегув роди иаира, и беша ему двадесять три грады в земли галаадстей.

²³Взя же гедсур и арам веси иаировы, канаф и села его, шестьдесят градов. Вси тии сынове махира отца галаадова.

²⁴И по умертвии есрома вниде халев во ефрафу, жена же есромля авиа, и роди ему асдома отца фекоева.

²⁵И беша сынове иерамеила первенца есромля: рам первенец и ваана, и арам и асом брат его.

²⁶И бе жена ина иерамеилу, именем атара, яже бысть мати унамля.

²⁷И быша сынове рама первенца иерамеиля: маас и иамин и акор.

²⁸И быша сынове унамли саммаа и еддай. Сынове же саммаины надав и ависур.

²⁹И имя жене ависурове авигеа: и роди ему озва и моддиа.

³⁰Сынове же надавли салад и апфаин: и умре салад не имый чад.

³¹И сынове апфаини иесий: и сын иесиев сосан: и сынове сосани дадай.

³²Сынове же дадаини: ахисама и иефер и ионафан: и умре иефер не имый чад.

³³Сынове же ионафани фалеф и заза. Тии быша сынове иерамеили.

³⁴Сосан же не име сынов, но точию дщери, и имяше сосан раба египтянина, именем иераа:

³⁵и даде сосан дщерь свою иераю рабу своему в жену, и роди ему еффеа,

³⁶еффей же роди нафана, и нафан роди заведа,

³⁷завед же роди офлада, офлад же роди иовида,

³⁸иовид же роди ииуа, ииуй роди азарию,

³⁹азариа же роди хеллиса, и хеллис роди елеаса,

⁴⁰елеас же роди сосомаиа, и сосомай роди саллума,

⁴¹саллум же роди иекомию, и иекомиа роди елисама.

⁴²Сынове же халева брата иерамеиля, мариса первенец его: той отец зифов: и сынове марисы отца хевронова.

⁴³И сынове хеврони: корей и фафуй, и реком и самаа.

⁴⁴Самаа же роди раема, отца иеркаанова, иеркаан же роди саммаа.

⁴⁵Сын же саммаин маон, и маон отец вефсуров.

⁴⁶Гефа же подложница халевова роди арана и мосаа и газера: аран же роди газиза.

⁴⁷Сынове же аддаини: регма и иоафам, и гирсом и фалет, и гефа и сегав.

⁴⁸И подложница халевова моха роди севера и фархана.

⁴⁹Роди же сагаф отца мадминаева, и саула отца мадевина, и отца аговдаева, и дщи халевова асха.

⁵⁰Сии бяху сынове халевовы, сынове ора первенца ефрафова: совал, отец кариафиаримов,

⁵¹и соломон отец вифлеемов, и арим отец вефгедоров.

⁵²Быша же сынове совалу отцу кариафиаримлю: араа и есий, и амманиф

⁵³и умасфае, и кариафиарим и мифифим, и исамафим и исамареим: от тех изыдоша сарафее и есфаголее.

⁵⁴Сынове же соломони: вифлеем и нетофат и атароф, дому иоавля, и половина манафиев исараи,

⁵⁵отечества писарей обитающих во иависе, фаргафиим и самафиим и сохафим: сии суть кинее, иже приидоша от емафа, отца дому рихавля.