Read Елизаветинская Библия, 1751 1-я Паралипоменон 3 Bible Online

1-я Паралипоменон 3 - Елизаветинская Библия, 1751 bible

1-я Паралипоменон 3

¹Сии же быша сынове давидовы, иже родишася ему в хевроне: перворожденный амнон от ахинаамы иезраилитиды: вторый далуиа от авигеи кармилския:

²третий авессалом сын маахи, дщере фоломиа царя гесурска: четвертый адониа сын аггифин:

³пятый сафатиа от авиталы: шестый иефраам от аглаи жены его:

⁴шесть родишася ему в хевроне, идеже царствова седмь лет и шесть месяц: и тридесять три лета царствова во Иерусалиме.

⁵И сии родишася ему во Иерусалиме: самаа и совав, и нафан и соломон, четыри от вирсавии дщере амииловы:

⁶и евар и елисама, и елифалет

⁷и нагис, и нафек и иафие,

⁸и елисама и елиадак и елифалет, девять.

⁹Вси сынове давидова кроме сынов подложничих и фамары сестры их.

¹⁰Сынове же соломони: ровоам, авиа сын его, аса сын его, иосафат сын его,

¹¹иорам сын его, охозиа сын его, иоас сын его,

¹²амасиа сын его, озиа сын его, иоафам сын его,

¹³ахаз сын его, езекиа сын его, манассиа сын его,

¹⁴амон сын его, иосиа сын его.

¹⁵Сынове же иосиины: первенец иоахаз, вторый иоаким, третий седекиа, четвертый селлум.

¹⁶Сынове же иоакимовы: иехониа сын его, седекиа сын его.

¹⁷Сынове же иехониины: асир, салафииль сын его,

¹⁸мелхирам, фадаиа и анесар, и иезекиа и осамон и савадиа.

¹⁹Сынове же салафиилевы: зоровавель и семей. Сынове же зоровавелевы: мосоллам и ананиа, и салимин сестра их,

²⁰и асувеа и оел, и варахиа и асадиа и асовед, пять.

²¹Сынове же ананиины: фалтиас, и иесиа сын его, рафал сын его, орна сын его, авдиа сын его, сехениа сын его,

²²и сын сехениин самеа. И сынове самеины: хаттус и иоил, и верриа и ноадиа и саф, шесть.

²³И сынове ноадиины: елионей и езекиа и езрикам, трие.

²⁴Сынове елионеевы: уадиа и елиасевон, и фадаиа и акаум, и иоанан и далеа и анан, седмь..