Read Елизаветинская Библия, 1751 1-я Паралипоменон 6 Bible Online

1-я Паралипоменон 6 - Елизаветинская Библия, 1751 bible

1-я Паралипоменон 6

¹Сынове левии: герсон, кааф и мерари.

²Сынове же каафовы: амрам и иссаар, хеврон и озиил.

³Сынове же амрамли: аарон и моисей и мариам. Сынове же аароновы: надав и авиуд, елеазар и ифамар.

⁴И елеазар роди финееса, и финеес роди авиуда,

⁵и авиуд роди воккиа, и воккий роди озию,

⁶озиа же роди сареа, и сарей роди мариофа,

⁷мариоф же роди амарию, амариа же роди ахитова,

⁸ахитов же роди садока, и садок роди ахимааса,

⁹ахимаас же роди азарию и азариа роди иоанана,

¹⁰иоанан же роди азарию, той есть азариа, иже священствова в дому, егоже созда соломон во Иерусалиме.

¹¹Роди же азариа амарию, и амариа роди ахитова,

¹²ахитов же роди садока, и садок роди селлума,

¹³и селлум роди хелкию, и хелкиа роди азарию,

¹⁴и азариа роди сареа, и сарей роди иоседека.

¹⁵Иоседек же изыде, егда пресели Господь иуду и Иерусалима рукою навуходоносора в вавилон.

¹⁶Сынове же левиини: герсон, кааф и мерари.

¹⁷И сия имена сынов герсоних: ловений и семей.

¹⁸Сынове же каафовы: амрам и иссаар, хеврон и озиил.

¹⁹Сынове же мерарины: мооли и муси. И сии роди левиини по отечеством их.

²⁰Герсонови: ловений сын его, иеф сын его, семна сын его,

²¹иола сын его, аддо сын его, зара сын его, иефри сын его.

²²Сынове каафовы: иссаар сын его, аминадав сын его, корей сын его, асир сын его,

²³елкана сын его, ависаф сын его, асир сын его,

²⁴кааф сын его, уриил сын его, озиа сын его, саул сын его.

²⁵Сынове же елкановы: амаси сын его, амиоф сын его,

²⁶елкана сын его, суфий сын его, и нааф сын его,

²⁷елиав сын его, иеремеил сын его, елкана сын его, самуил сын его.

²⁸Сынове же самуили: первенец его иоиль и вторый авиа.

²⁹Сынове же мерарины: мооли сын его, ловений сим его, семей сын его, озиа сын его,

³⁰саммаа сын его, ананий сын его, асаиа сын его.

³¹Сии же суть, ихже постави давид над певцы в дому Господни, егда постави кивот:

³²и бяху служаще пред скиниею дому свидения в пении, дондеже созда соломон дом Господень во Иерусалиме, и стояху по чину своему в служении своем.

³³И сии предстоящии и сынове их от сынов каафовых: еман певец сын иоиля, сына самуилева,

³⁴сына елканова, сына еремеилева, сына елиавля, сына наафова,

³⁵сына суфова, сына елканаева, сына амиофова, сына амасова,

³⁶сына елканова, сына иоилева, сына азариева, сына сафаниева,

³⁷сына маафова, сына ассерова, сына авиасафова, сына асирова, сына кореова,

³⁸сына аминадавова, сына исаарова, сына каафова, сына левиина, сына израилева:

³⁹и брат его асаф, иже стояша одесную его: асаф сын варахии, сына самааева,

⁴⁰сына михаилова, сына масилова, сына мелхиева,

⁴¹сына афаниева, сына зараева, сына адаиева,

⁴²сына ифамова, сына земмина, сына семеиева,

⁴³сына иеефова, сына герсонова, сына левиина.

⁴⁴Сынове же мерарины братия их ошуюю: ефам сын хусии, сына авдиина, сына малохова,

⁴⁵сына савиева, сына амасиева, сына хелкиева,

⁴⁶сына амасиева, сына ваниина, сына семирова,

⁴⁷сына моолиина, сына мусиева, сына мерарина, сына левиина.

⁴⁸Братия же их по домом отечеств их, левитяне даны во всякое дело служения скинии дому Божия:

⁴⁹и аарон и сынове его кадяху над олтарем всесожжений и над олтарем фимиама во всякое дело святых святым, и да молятся за израиля по всему, елика повеле моисей раб Божий.

⁵⁰Сии же сынове аарони: елеазар сын его, финеес сын его, авиуд сын его,

⁵¹вокхий сын его, озий сын его, сарей сын его,

⁵²мариоф сын его, амариа сын его, ахитов сын его,

⁵³садок сын его, ахимаас сын его.

⁵⁴И сия обитания их, по селам их и в пределех их, сыном аароним племени каафову, тем бо бысть жребий:

⁵⁵и даша им хеврон в земли иудине и подградия его окрест его:

⁵⁶и села града и веси его даша халеву сыну иефонниину.

⁵⁷Сыном же аароним даша грады убежищ: хеврон и подградия его, и ловну и подградия ея, и алом и окрестная его,

⁵⁸и келом и окрестная его, и давир и окрестная его,

⁵⁹и асан и подградия его, и вефсамис и подградия его, и вефсур и подградия его:

⁶⁰от колена же вениаминова гаваон и подградия его, и еламоф и подградия его, и еламвей и подградия его, и анафоф и подградия его: всех градов их тринадесять, градов по племенем их.

⁶¹И сыном каафовым оставшымся от племене рода, от полуплемене манассиина, даша по жребию десять градов.

⁶²И сыном герсоним по племенем их от колена иссахарова и от колена асирова, и от колена неффалимова и от колена манассиина в васане, грады тринадесять.

⁶³И сыном мерариным по племенем их от колена рувимова и от колена гадова и от колена завулоня даша по жребию градов дванадесять.

⁶⁴Даша же сынове израилевы левитом грады и подградия их.

⁶⁵Даша же по жребию от колена сынов иудиных и от колена сынов симеоних и от колена сынов вениаминих грады сия, ихже назваша имены (своими).

⁶⁶И от племен сынов каафовых, и быша грады пределов их от колена ефремова:

⁶⁷и даша им грады убежищ: сихем с подградиями его в горе ефремове и газер с подградиями его,

⁶⁸и екмаан с подградиями его, и вефорон и подградие его,

⁶⁹и елон с подградиями его, и гефремон с подградиями его:

⁷⁰и от половины колена манассиина анеир и подградия его, и иевлаам и подградная его, по племени сыном каафовым оставшымся.

⁷¹Сыном герсоним от отечеств полуплемене манассиина гавлон от васана и подградная его, и асироф с подградными его:

⁷²и от колена иссахарова кедес с подградными его, и надар с подградными его,

⁷³и рамоф и подградная его, и енан с подградными его:

⁷⁴и от колена асирова масию с подградными его, и рамоф и подградие его,

⁷⁵и акак и подградие его, и роов с подградными его:

⁷⁶и от колена неффалимля кадис в галилеи и подградная его, и хамоф с подградными его, и кариафаим и подградная его.

⁷⁷И сыном мерариным оставшымся от колена завулоня реммон и подградная его, и фавор с подградными его,

⁷⁸и за иорданом иерихон противу востока иорданова: от колена рувимова восор в пустыни с подградными его, и есса с подградными его,

⁷⁹и кадимоф и подградная его, и моапсаф с подградными его:

⁸⁰и от колена гадова раммоф галаадский и подградная его, и наим с подградными его,

⁸¹и есевон с подградными его, и иазир с подградными его.