Read Елизаветинская Библия, 1751 1-я Паралипоменон 9 Bible Online

1-я Паралипоменон 9 - Елизаветинская Библия, 1751 bible

1-я Паралипоменон 9

¹И весь израиль сочтен есть: и се, суть писаны в книзе царей израилевых и иудиных со преселившимися в вавилон за беззакония своя, имиже беззаконноваша.

²И иже обиташа первее во одержаниих своих во градех израилевых, священницы и левити и вданнии (на служение).

³И во Иерусалиме обиташа от сынов иудиных и от сынов вениаминих и от сынов ефремлих и манассииных:

⁴уфий сын амиуды сына амвриина, сына амвраимова, сына ваниина, сына сынов фареса сына иудина:

⁵и от силона асаиа первенец его и сынове его:

⁶от сынов же зары иеил и братия их шесть сот и девятьдесят.

⁷И от сынов вениаминих: сахом сын васоллама, сына одуиева, сына сануина:

⁸и иевнаа сын иеровоамов и елав: и сии сынове озии сына махирова: и мосоллам сын сафатии, сына рагуилева, сына иеваня.

⁹Братия же их по родом их девять сот пятьдесят шесть, вси мужие князи племенем по домом отечеств своих.

¹⁰От священник же иодаиа и иоарим, и иоаким

¹¹и азариа сын хелкии, сына мосолламова, сына садокова, сына марариофова, сына ахитова началника дому Божия:

¹²и адиам сын иероамль, сына фасгора, сына мелхиаева, и маасий сын адиила, сына езирова, сына мосолламля, сына маселимофова, сына еммарова.

¹³Братия же их князи по домов отечеств своих, тысяща и седмь сот и шестьдесят, сильни крепостию к деланию служения в дому Божии.

¹⁴От левит же самеиа сын асувов, сына езрикамова, сына савиева от сынов мерариных,

¹⁵ваквакар же и арис, и гареа и мафаниа сын михаев, сына зехри, сына асафова:

¹⁶и авдиа сын самеа, сына галилова, сына идифуня, и варахиа сын ассы, сына елканова, иже обита во дворех нетофафовых.

¹⁷Дверницы же: селлум и акум, и телмон и емман, и братия их: селлум князь.

¹⁸И даже доселе во вратех царских к востоку: сия врата на ополчения сынов левииных.

¹⁹И селлум сын кореа, сына авиасафова, сына кореова: и братия его по дому отечеств их, кореане над делами служения стрегуще стражбы скинии: а отцы их над полком Господним, стрегуще входа.

²⁰Финеес же сын елеазаров бысть вождь их пред Господем, и сии с ним.

²¹Захариа сын мосолламов, дверник врат скинии свидения.

²²Вси избраннии дверницы над враты двести дванадесять, сии в селех своих сочтени: сих постави давид и самуил провидец в вере их.

²³И сии и сынове их (быша) при вратех дому Господня и в дому скинии стрещи почередно.

²⁴По четырем ветром быша двери к востоку, к западу, к северу, к югу.

²⁵Братия же их, иже живяху в селех своих, прихождаху по седми днех от времене даже до времене (на премену тем):

²⁶понеже четырем дверником сильным вверени быша двери: и левити быша над хранилищи, и над сокровищи дому Божия ополчахуся,

²⁷и окрест дому Божия живяху: яко на них бе стражба их: и сии над ключами, еже утро утро отверзати двери святилища.

²⁸От тех же (бяху) над сосуды служения, по числу бо вношаху сосуды и по числу изношаху я.

²⁹От тех же поставлени над сосуды и над всеми сосуды святыми, и над мукою пшеничною и вином и елеем, и фимиамом и ароматы.

³⁰От сынов же священнических беша мироварцы, миро соделоваху из аромат.

³¹И маттафиа от левит, сей первенец селлуму кореанину, емуже вверена дела жертвы сковрадныя великаго жерца:

³²и ванеа каафитянин от братий их над хлебы предложения, еже уготовляти в субботы и субботы.

³³И сии псалмопевцы князи отечеств левитских, определени почередно во храминах, повседневно, яко да день и нощь свое служение отслуживают.

³⁴Сии князи отечеств левитских по племенем своим, началницы сии пребываху во Иерусалиме.

³⁵В гаваоне же живяше отец гаваонь иеиль: и имя жене его мааха:

³⁶и сын первенец его авдон, и сур и кис, и ваель и нир, и надав

³⁷и гедор, и братия его аиун и зехриа и макелоф.

³⁸Макелоф же роди саму: и сии вселишася посреде братий своих во Иерусалиме с братиями своими.

³⁹Нир же роди киса, и кис роди саула, и саул роди ионафана и мелхисуа, и аминадава и иесваала.

⁴⁰Сын же ионафань мемфиваал: и мемфиваал роди миху.

⁴¹Сынове же михи: филоф и мелхиил, и фараа и хааз.

⁴²Хааз же роди иаду, иада же роди алефа и асмофа и замвриа: замврий же роди месу,

⁴³меса же роди ваану: рафеа сын его, еласа сын его, асаил сын его.

⁴⁴Асаилу же (быша) шесть сынов, и сия имена их: езрикам первенец его, и исмаил и азариа, и авдиа и анан и аса: сии сынове асаиловы.