Read Елизаветинская Библия, 1751 Неемия 7 Bible Online

Неемия 7 - Елизаветинская Библия, 1751 bible

Неемия 7

¹И бысть егда создася стена, и поставих двери, и сочтох придверники и певцы и левиты:

²и повелех анании брату моему и анании началнику дому, иже во Иерусалиме: той бо бе яко муж истинен и бояйся Бога паче прочих:

³и рекох има: да не отверзутся врата Иерусалимская, дондеже взыдет солнце: и еще им бдящым, да заключатся врата и засунута да будут засовами: и постави стражы от обитающих во Иерусалиме, кийждо во стражи своей и кийждо противу дому своего.

⁴Град же бысть широк и велик, и людий мало в нем, и не бяху домы создани.

⁵И даде Бог в сердце мое, и собрах честных и князей и народ в собрание: и обретох книгу сочисления тех, иже взыдоша первее, и обретох написано в ней:

⁶и тии сынове страны возшедшии от пленения преселения, ихже пресели навуходоносор царь вавилонский, и возвратишася во Иерусалим и иудею, кийждо муж во град свой,

⁷с зоровавелем и иисусом и неемиею, азариа и веелма, наеман, мардохей, ваасан, маасфараф, ездра, вогуиа, инаум, ваана, масфар, мужие людий израилевых:

⁸сынове форосовы две тысящы сто седмьдесят два,

⁹сынове сафатиевы триста седмьдесят два,

¹⁰сынове ираевы шесть сот пятьдесят два,

¹¹сынове фааф-моавли сынов иисусовых и иоавлих две тысящы шесть сот и осмьнадесять,

¹²сынове еламовы тысяща двести пятьдесят четыри,

¹³сынове соффуевы осмь сот четыредесять пять,

¹⁴сынове заханевы седмь сот шестьдесят,

¹⁵сынове вануиевы шесть сот четыредесять осмь,

¹⁶сынове вереиевы шесть сот двадесять осмь,

¹⁷сынове гетадовы две тысящы триста двадесять два,

¹⁸сынове адоникамли шесть сот шестьдесят седмь,

¹⁹сынове вагуиевы две тысящы шестьдесят седмь,

²⁰сынове идини шесть сот пятьдесят четыри,

²¹сынове атировы и сынове езекиевы девятьдесят осмь,

²²сынове исамиевы триста двадесять осмь,

²³сынове васеиевы триста двадесять четыри,

²⁴сынове арифовы сто дванадесять, сынове асеновы двести двадесять три,

²⁵сынове гаваони девятьдесят пять,

²⁶сынове вефалеимли сто двадесять три, сынове атофовы пятьдесят шесть,

²⁷сынове анафофовы сто двадесять осмь,

²⁸сынове азамофовы, мужие вифовы, четыредесять два,

²⁹мужие кариафиаримли, кафировы и вирофовы седмь сот четыредесять три,

³⁰мужие арама и гаваа шесть сот двадесять един,

³¹мужие махимасовы сто двадесять два,

³²мужие вефили и аиевы сто двадесять три, мужие анавиа другаго сто пятьдесят два,

³³сынове мегевосовы сто пятьдесят шесть,

³⁴мужие иламаевы тысяща двести пятьдесят два,

³⁵сынове ирамли триста двадесять,

³⁶сынове иериховы триста четыредесять пять,

³⁷сынове лодовы, адидовы и оновы седмь сот двадесять един,

³⁸сынове ананини три тысящы девять сот тридесять:

³⁹священницы, сынове иодаевы в дому иисусове девять сот седмьдесят три,

⁴⁰сынове еммировы тысяща пятьдесят два,

⁴¹сынове фассеуровы тысяща двести четыредесять седмь,

⁴²сынове ирамовы тысяща седмьнадесять:

⁴³левити, сынове иисуса кадмиильскаго от сынов удуилих седмьдесят четыри:

⁴⁴певцы, сынове асафовы сто двадесять осмь:

⁴⁵дверницы сынове селлумли,

⁴⁶сынове атировы, сынове телмони, сынове аккувовы, сынове атитовы, сынове савиины сто тридесять осмь:

⁴⁷нафиними, сынове илаевы, сынове асефовы, сынове заваофовы,

⁴⁸сынове кирасовы, сынове сисаины, сынове фадони, сынове лавани, сынове агавовы, сынове акувовы,

⁴⁹сынове утаевы, сынове китаровы, сынове гавовы, сынове селмеини, сынове анановы,

⁵⁰сынове садеины, сынове гааровы, сынове рааиины,

⁵¹сынове раасони, сынове некодовы,

⁵²сынове гизамли, сынове озины, сынове фессовы,

⁵³сынове висиины, сынове меиноновы, сынове нефосаины,

⁵⁴сынове ваквуковы, сынове ахифовы, сынове арурины,

⁵⁵сынове васалофовы, сынове мидаевы, сынове адасани,

⁵⁶сынове варкуевы, сынове сисарафовы, сынове фимаевы,

⁵⁷сынове нисиины, сынове атифовы: сынове рабов соломоновых,

⁵⁸сынове сутеины, сынове сафаратовы, сынове феридины,

⁵⁹сынове лелилины, сынове доркони, сынове гадаили, сынове фарахасовы,

⁶⁰сынове саваини, сынове иммини:

⁶¹вси нафиними и сынове слуг соломоновых триста девятьдесят два.

⁶²И сии взыдоша от фелмефа, феласар, харув, ирон, иемир, и не могоша сказати домов отечеств своих и семене своего, от израиля ли быша:

⁶³сынове далеаевы, сынове вуаевы, сынове товиины, сынове некодаевы, шесть сот четыредесять два:

⁶⁴и от священник сынове авиевы, сынове аккосовы, сынове верзеллаины, яко пояша от дщерей верзеллаа галаадитина жены и прозвашася по имени их.

⁶⁵Сии искаша писания своего родословия, и не обретоша, и извержени суть от священства.

⁶⁶Рече же аферсафа им, да не ядят от святая святых, дондеже востанет священник изявляяй.

⁶⁷И бысть весь собор единодушно аки четыредесять две тысящы триста шестьдесят,

⁶⁸кроме рабов их и рабынь их, ихже бяху седмь тысящ триста тридесять седмь: и певцы и певницы двести тридесять шесть.

⁶⁹Кони (их) седмь сот тридесять шесть, мски их двести четыредесять пять, велблюды их четыре ста тридесять пять, ослы их шесть тысящ седмь сот двадесять.

⁷⁰И от части началников отечеств даша в дело аферсафе, даша в сокровище златых тысящу, фиал пятьдесят и риз жреческих тридесять.

⁷¹И от началников отечеств даша в сокровище дела злата драхм двадесять тысящ и сребра мнас две тысящы и триста.

⁷²И даша прочии людие злата драхм двадесять тысящ и сребра мнас две тысящы и двести, и риз священнических шестьдесят седмь.

⁷³И седоша священницы и левити и дверницы и певцы и прочий народ и нафиними и весь израиль во градех своих.