Read Елизаветинская Библия, 1751 Товит 4 Bible Online

Товит 4 - Елизаветинская Библия, 1751 bible

Товит 4

¹В день он воспомяну товит о сребре, еже вдаде гаваилу в рагах мидийских,

²и рече в себе: аз просих смерти, что не зову товии сына моего, да ему объявлю, прежде даже умрети ми?

³И призвав его рече: чадо, аще умру, погреби мя, и да не презираеши матере твоея: чти ю вся дни живота твоего и твори еже угодно ей, и да не опечаляеши ея:

⁴помяни, чадо, яко многа бедстгвия виде о тебе во чреве: егда умрет, поогреби ю при мне во единем гробе:

⁵вся дни, чадо, Господа Бога нашего помни, и да не похощеши согрешати и преступати заповеди его: правду твори вся дни живота твоего, и да не ходиши путем неправды,

⁶зане творящу ти истину благопоспешества будут в делех твоих и всем творящым правду:

⁷от имений твоих твори милостыню, и да не зазрит твое око, внегда творити ти милостыню: да не отвращаеши лица твоего от всякаго нищаго, и от тебе не отвратится лице Божие:

⁸якоже тебе будет по множеству, твори от них милостыню: аще мало тебе будет, по малому да не боишися творити милостыню:

⁹залог бо добр сокровищствуеши тебе на день нужды,

¹⁰зане милостыня от смерти избавляет и не оставляет ити во тму:

¹¹дар бо добр есть милостыня всем творящым ю пред вышним:

¹²внемли себе, чадо, от всякаго блудодеяния, и жену первее поими от семеие отец твоих: да не поймеши жены чуждия, яже несть от племене отца твоего, зане сынове пророков есмы: ное, авраам, исаак, иаков отцы наши от века: помяни, чадо, яко сии вси пояша жены от братии своих и благословени быша в чадех своих, и семя их наследит землю:

¹³и ныне, чадо, люби братию твою и не возносися сердцем твоим паче братий твоих и сынов и дщерей людий твоих, пояти тебе от них жену, зане в гордыни погибель и развращение много, и в непотребстве умаление и убожество велико, ибо непотребство мати есть глада:

¹⁴мзда всякаго человека, иже аще работати будет у тебе, да не премедлит, но отдаждь ему абие: аще послужиши Богу, воздастся тебе: внемли тебе, чадо, во всех делех твоих и буди наказан во всем житии твоем,

¹⁵и еже ненавидиши, да ни комуже твориши: вина в пиянство да не пиеши и да не ходит с тобою пиянство в пути твоем:

¹⁶от хлеба твоего даждь алчущему и от одяний твоих нагим: все, еже аще преизбудет тебе, твори милостыню, и да не зазрит твое око, внегда творити ти милостыню:

¹⁷иждивай хлебы твоя при гробе праведных, грешником же да не даси:

¹⁸совета у всякаго премудраго ищи, и да не небрежеши о всяцем совете полезнем:

¹⁹и на всякое время благослови Господа Бога и от него проси, яко да путие твои прави будут, и вся стези и совети твои да благоуспеют, зане всяк язык не имет совета, но сам Господь дает вся благая, и егоже аще восхощет, смиряет, якоже хощет: и ныне, чадо, помяни заповеди моя, и да не изгладятся от сердца твоего:

²⁰и ныне объявляю тебе десять талант сребра, яже вдах гаваилу сыну гавриину в рагах мидийских:

²¹и не бойся, чадо, яко обнищахом: суть тебе многа, аще уоишися Бога и отступиши от всякаго греха и сотвориши, еже угодно пред ним.