Read Елизаветинская Библия, 1751 Иудифь 11 Bible Online

Иудифь 11 - Елизаветинская Библия, 1751 bible

Иудифь 11

¹И рече к ней олоферн: дерзай, жено, да не устрашаешися сердцем твоим, зане аз не озлобих человека, иже изволи служити царю навуходоносору всея земли:

²и ныне людие твои живущии в горней, аще бы не уничтожили мя, не воздвигл бых копия моего на них, но они сами себе сотвориша сия:

³и ныне глаголи ми, чесо ради отшла еси от них и пришла еси к нам? приходиши бо ко спасению: дерзай, в нощь сию жива будеши, и в прочее:

⁴несть бо, иже обидит тя, но благо тебе сотворит, якоже бывает рабом господина моего царя навуходоносора.

⁵И рече к нему иудиф: приими глаголы рабы твоея, и да проглаголет рабыня твоя пред лицем твоим, и не возвещу лжи госиодину моему в нощь сию:

⁶и аще имаши последовати словесем рабыни твоея, совершенно дело сотворит с тобою Бог, и не отпадет господин мои от начинаний своих:

⁷живет бо царь навуходоносор всея земли, и живет держава его, иже посла тя во исправление всякия души, яко не токмо человецы тебе ради послужат ему, но и зверие польнии и скоти и птицы небесныя крепостию твоею живи будут о навуходоносоре и всем доме его:

⁸слышахом бо премудрость твою и хитрости души твоея, и возвестися всей земли, яко ты един благ во всем царстве и силен в разуме и чуден во ополчениих брани:

⁹и ныне слово, еже изрече ахиор в заседании твоем, слышахом глаголы его, яко снабдеша его мужие града ветилуи, и возвести им вся, елика изглагола он у тебе:

¹⁰сего ради, владыко господине, да не преступаеши словесе его, но положи его в твоем сердцы, яко истинно есть: не бо отмщается род наш, не превозмогает мечь на них, аще не согрешат к Богу своему:

¹¹и ныне да не будет господин мой отвержен и недействителен, и нападет смерть на лице их, и постигнет их согрешение, имже раздражат Бога своего, когда либо аще сотворят безместие:

¹²понеже бо оскудеша им брашна, и умалися вся вода, восхотеша устремитися на скоты своя, и вся, елика определи им Бог в законех своих не ясти, умыслиша употребляти:

¹³и начатки пшеницы, и десятины вииа и елеа, яже соблюдаху освятивше иереом предстоящым во Иерусалиме пред лицем Бога нашего, судиша иждивати, имже ниже руками подобаше прикасатися кому от людий:

¹⁴и послаша во Иерусалим, яко и тамо живущии сотвориша сия, да принесут им разрешение от старейшин:

¹⁵и будет, егда возвестится им, и сотворят, дадутся тебе в погубление в день той:

¹⁶темже аз раба твоя, познавши сия вся, отбегох от лица их: и посла мя Бог творити с тобою дела, о нихже ужаснется вся земля, елицы аще услышат сия,

¹⁷зане раба твоя благочестива есть и служащи нощию и днем Богу небесе: и ныне пребуду у тебе, господине мой, и да исходит раба твоя в нощи в дебрь и молится к Богу: и возвестит ми, егда сотворят согрешения своя:

¹⁸и пришедши возвещу тебе, и изыдеши со всею силою твоею, и несть, иже воспротивится тебе от них:

¹⁹и поведу тя сквозе иудею, доидеже приити прямо Иерусалима, и положу седалище твое посреде его, и поженеши их аки овцы, имже несть пастыря, и не возскомлет пес языком своим противу тебе: зане мне сия речена суть по предведению моему и возвещеиа ми, и послана есмь возвестити тебе.

²⁰И угодна быша словеса ея пред олоферном и пред всеми слуги его, и дивишася о премудрости ея и реша:

²¹несть таковыя жены от конца даже до конца земли в красоте лица и в разуме словес.

²²И рече к ней олоферн: благо сотвори Бог пославый тя пред людьми, еже быти в руках наших державе, на уничиживших же господина моего погибели:

²³и ныне красна еси ты взором твоим и блага во словесех твоих: зане аще сотвориши, якоже глаголала еси, Бог твой будет мой Бог, и ты в дому царя навуходоносора сядеши и будеши именита по всей земли.