Read Елизаветинская Библия, 1751 Псалтирь 13 Bible Online

Псалтирь 13 - Елизаветинская Библия, 1751 bible

Псалтирь 13

¹Рече безумен в сердцы своем: несть Бог. Растлеша и омерзишася в начинаниих: несть творяй благостыню.

²Господь с небесе приниче на сыны человеческия, видети, аще есть разумеваяй, или взыскаяй Бога.

³Вси уклонишася, вкупе неключими быша: несть творяй благостыню, несть до единаго.

⁴Ни ли уразумеют вси делающии беззаконие, снедающии люди моя в снедь хлеба? Господа не призваша.

⁵Тамо убояшася страха, идеже не бе страх: яко Господь в роде праведных.

⁶Совет нищаго посрамисте: Господь же упование его есть.

⁷Кто даст от сиона спасение израилево?

⁸Внегда возвратит Господь пленение людий своих, возрадуется иаков, и возвеселится израиль.