Read Елизаветинская Библия, 1751 Псалтирь 146 Bible Online

Псалтирь 146 - Елизаветинская Библия, 1751 bible

Псалтирь 146

¹Хвалите Господа, яко благ псалом: Богови нашему да усладится хваление.

²Зиждай Иерусалима Господь: разсеяния израилева соберет:

³изцеляяй сокрушенныя сердцем и обязуяй сокрушения их:

⁴изчитаяй множество звезд, и всем им имена нарицаяй.

⁵Велий Господь наш, и велия крепость его, и разума его несть числа.

⁶Приемляй кроткия Господь, смиряяй же грешники до земли.

⁷Начните Господеви во исповедании, пойте Богови нашему в гуслех:

⁸одевающему небо облаки, уготовляющему земли дождь: прозябающему на горах траву и злак на службу человеком:

⁹дающему скотом пищу их, и птенцем врановым призывающым его.

¹⁰Не в силе констей восхощет, ниже в лыстех мужеских благоволит:

¹¹благоволит Господь в боящихся его и во уповающих на милость его.