Read Елизаветинская Библия, 1751 Псалтирь 147 Bible Online

Псалтирь 147 - Елизаветинская Библия, 1751 bible

Псалтирь 147

¹Похвали, Иерусалиме, Господа, хвали Бога твоего, сионе:

²яко укрепи вереи врат твоих, благослови сыны твоя в тебе.

³Полагаяй пределы твоя мир, и тука пшенична насыщаяй тя:

⁴посылаяй слово свое земли, до скорости течет слово его,

⁵дающаго снег свой яко волну, мглу яко пепел посыпающаго,

⁶метающаго голоть свой яко хлебы: противу лица мраза его кто постоит?

⁷Послет слово свое, и истает я: дхнет Дух его, и потекут воды.

⁸Возвещаяй слово свое иакову, оправдания и судбы своя израилеви:

⁹не сотвори тако всякому языку, и судбы своя не яви им.