Read Елизаветинская Библия, 1751 Псалтирь 79 Bible Online

Псалтирь 79 - Елизаветинская Библия, 1751 bible

Псалтирь 79

¹В конец, о изменшихся, свидение асафу, псалом.

²Пасый израиля вонми: наставляяй яко овча иосифа, седяй на херувимех, явися:

³пред ефремом и вениамином и манассием воздвигни силу твою, и прииди во еже спасти нас.

⁴Боже, обрати ны, и просвети лице твое, и спасемся.

⁵Господи Боже сил, доколе гневаешися на молитву раб твоих?

⁶Напитаеши нас хлебом слезным, и напоиши нас слезами в меру.

⁷Положил еси нас в пререкание соседом нашым, и врази наши подражниша ны.

⁸Господи Боже сил, обрати ны, и просвети лице твое, и спасемся.

⁹Виноград из египта пренесл еси: изгнал еси языки, и насадил еси и:

¹⁰путесотворил еси пред ним, и насадил еси корения его, и исполни землю.

¹¹Покры горы сень его, и ветвия его кедры Божия:

¹²простре розги его до моря, и даже до рек отрасли его.

¹³Вскую низложил еси оплот его, и оымают и вси мимоходящии путем?

¹⁴Озоба и вепрь от дубравы, и уединенный дивий пояде и.

¹⁵Боже сил, обратися убо, и призри с небесе и виждь, и посети виноград сей:

¹⁶и соверши и, егоже насади десница твоя, и на сына человеческаго, егоже укрепил еси себе.

¹⁷Пожжен огнем и раскопан: от запрещения лица твоего погибнут.

¹⁸Да будет рука твоя на мужа десницы твоея и на сына человеческаго, егоже укрепил еси себе,

¹⁹и не отступим от тебе: оживиши ны, и имя твое призовем.

²⁰Господи Боже сил, обрати ны, и просвети лице твое, и спасемся.