Read Елизаветинская Библия, 1751 Премудрость Соломона 5 Bible Online

Премудрость Соломона 5 - Елизаветинская Библия, 1751 bible

Премудрость Соломона 5

¹Тогда станет во дерзновении мнозе праведник пред лицем оскорбивших его и отметающих труды его:

²видящии смятутся страхом тяжким и ужаснутся о преславнем спасении его,

³и рекут в себе кающеся и в тесноте духа воздыхающе: сей бе, егоже имехом некогда в посмех и в притчу поношения.

⁴Безумнии, житие его вменихом неистово и кончину его безчестну:

⁵како вменися в сынех Божиих, и во святых жребий его есть?

⁶~бо заблудихом от пути истиннаго, и правды свет не облиста нам, и солнце не возсия нам:

⁷беззаконных исполнихомся стезь и погибели и ходихом в пустыни непроходимыя, пути же Господня не уведехом.

⁸Что пользова нам гордыня, и богатство с величанием что воздаде нам?

⁹Преидоша вся она яко сень и яко весть претекающая.

¹⁰Яко корабль преходяй волнующуюся воду, егоже проходу несть стопы обрести, ниже стези шествия его в волнах:

¹¹или яко птицы, прелетающия по аеру, ни едино обретается знамение пути, язвою же смущаяй биемый дух легкий, и разсецаемый силою шумящею движением крил прелете, и посем ни едино знамение обретеся проходу в нем:

¹²или яко стрелою испущеною на намереное место разсеченный аер внезапу в себе самем заключен бысть, яко не познатися проходу ея:

¹³тако и мы рождени оскудехом и добродетели убо ни единаго знамения можем показати, во злобе же нашей скончахомся.

¹⁴Ибо упование нечестиваго, яко прах от ветра подемлемый и яко пена мягка от бури расторгнена, и яко дым от ветра разливается и яко память пришелца единаго дне прейде:

¹⁵праведницы же во веки живут, и во где мзда их, и попечение их у вышняго:

¹⁶сего ради приимут Царствие благолепия и венец доброты от руки Господни, яко десницею покрыет их и мышцею защитит их.

¹⁷Приимет всеюружие рвение свое и вооружит тварь в месть врагом,

¹⁸облечется в броня правды и возложит шлем суд нелицемерен,

¹⁹приимет щит непобедимый преподобие,

²⁰поострит же напрасный гнев во оружие: споборет же с ним мир на безумныя.

²¹Пойдут праволучныя стрелы молниины, и яко от благокругла лука облаков на намерение полетят:

²²и от каменометныя ярости исполнь падут грады: вознегодует на них вода морская, реки же потопят нагло:

²³сопротив станет им дух силы, и яко вихор развеет их:

²⁴и опустошит всю землю беззаконие, и злодейство превратит престолы сильных.