Read Елизаветинская Библия, 1751 Сирах 13 Bible Online

Сирах 13 - Елизаветинская Библия, 1751 bible

Сирах 13

¹Касаяйся смоле очернится, и приобщаяйся гордому точен ему будет.

²Бремене паче себе не воздвижи, и крепльшу и богатейшу себе не приобщайся.

³Кое причастие горнцу с котлом? сей приразится, и той сокрушится.

⁴Богатый обиду сотвори, и сам приразгневася: нищий же обидимь бысть, и сам приумолится.

⁵Аще потребен будеши, употребляет тя: аще же лишен будеши, оставит тя.

⁶Аще имаши, поживет с тобою и истощит тя, сам же не поболит.

⁷Аще востребует тя, прельстит тя и возсмееттися и даст ти надежду, возглаголет ти добре

⁸и речет ти: есть ли ти что потребно? и посрамит тя брашном своим, дондеже истощит тя дващи или трищи, и на последок поругаеттися.

⁹Потом узрит тя и оставит тя и главою своею покивает на тя.

¹⁰Внимай, да не заблудиши

¹¹и да не смиришися во веселии твоем.

¹²Егда тя сильный призовет, отступай, и толико паче призовет тя.

¹³Не приближайся, да не отриновен будеши, и не стой отдалече, да не забвен будеши.

¹⁴Не належи беседовати с ним и не веруй множайшым словесем его: многою бо беседою искусит тя и яко смеяся испытает тайная твоя.

¹⁵Немилостив есть не соблюдаяй словес и не пощадит (ослабити) озлобления твоего и уз.

¹⁶Блюдися и внимай зело, яко с падением твоим ходиши:

¹⁷слышай сия во сне твоем, бодрствуй.

¹⁸Во всем житии люби Господа и призывай его во спасение твое.

¹⁹Всяко животно любит подобное себе, и всяк человек искренняго своего:

²⁰всяка плоть по роду собирается, и подобному себе прилепится муж.

²¹Кое общение волку со агнцем? тако грешнику со благочестивым.

²²Кий мир гиене со псом? и кий мир богатому со убогим?

²³Лов львов онагри в пустыни, такожде пажити богатым убозии.

²⁴Мерзость гордому смирение, сице мерзость богатому нищий.

²⁵Богат колебляйся подтверждается от другов: убогий же падый отреян будет от другов.

²⁶Богату поползнувшуся мнози заступницы, возглагола нелепая, и оправдаша его:

²⁷убогий поползнуся, и воспретиша ему, провеща разум, и не даша ему места.

²⁸Богатый возглагола, и вси умолчаша и слово его вознесоша даже до облак:

²⁹убогий возглагола, и реша: кто сей есть? и аще преткнется, низвратят его.

³⁰Добро есть богатство, в немже несть греха, и зла есть нищета во устех нечестиваго.

³¹Сердце человеческо изменяет лице его, или на добро или на зло.

³²След сердца во благих лице веселое, и изобретение притчей размышление со трудом.