Read Елизаветинская Библия, 1751 Сирах 5 Bible Online

Сирах 5 - Елизаветинская Библия, 1751 bible

Сирах 5

¹Не уповай на имения твоя и не и рцы: доволна ми суть.

²Не последуй души твоей и крепости твоей, еже ходити в похотех сердца твоего,

³и не рцы: кто мя преможет? Господь бо мстяй отмстит ти.

⁴Не рцы: согреших, и что ми бысть? Господь бо есть долготерпелив.

⁵О очищении безстрашен не буди, прилагати грехи на грехи,

⁶не рцы: щедрота его многа есть, множество грехов моих очистит:

⁷милость бо и гнев у него, и на грешницех почиет ярость его.

⁸Не медли обратитися ко Господу и не отлагай день от дне:

⁹внезапу бо изыдет гнев Господень, и во время мести погибнеши.

¹⁰Не уповай на имения неправедна: ни чимже бо упользуют в день наведения.

¹¹Не вей себе всяким ветром и не ходи всяким путем: сице грешник двоязычен.

¹²Буди утвержден в разуме твоем, и едино буди слово твое.

¹³Буди скор в слушании твоем, и с долготерпением отвещавай ответ.

¹⁴Аще есть в тебе разум, отвещай искреннему: аще же ни, то буди рука твоя на устех твоих.

¹⁵Слава и безчестие в беседе и язык человечь падение ему.

¹⁶Не слови шепотник и языком твоим не уловляй:

¹⁷на тати бо студ есть и зазор лукав над двоязычным.

¹⁸О велице и о мале не неразумевай.