Read Елизаветинская Библия, 1751 Исаия 15 Bible Online

Исаия 15 - Елизаветинская Библия, 1751 bible

Исаия 15

¹Нощию погибнет моавитска земля, нощию бо погибнет стена моавитская.

²Плачитеся о себе, погибнет бо и дивон, идеже требище ваше: тамо взыдете плакатися над нававом моавитским. Плачитеся, на всяцей главе плешь, вся мышцы обсечены,

³на стогнах его препояшитеся во вретища, и восплачитеся на храминах его и на улицах его и на стогнах его, вси возрыдайте с плачем.

⁴Яко возопи есевон и елеала, даже до иассы услышася глас их: сего ради чресла моавитиды вопиют, душа ея увесть.

⁵Сердце моавитиды вопиет в ней даже до сигора: юница бо есть трилетна. В возшествии же луифа к тебе плачущеся взыдут путем арониимлим: вопиет сотрение и трус.

⁶Вода немримля пуста будет, и трава ея оскудеет: травы бо зелены не будет.

⁷Еда и сице спасется? наведу бо на дебрь аравлян, и возмут ю:

⁸прейде бо вопль предел земли моавитския до агаллима, и плачь ея даже до кладязя елимля.

⁹Вода бо димоня наполнится крове: наведу бо на димона аравляны, и возму семя моавле и ариилево и останок адаминь.