Read Елизаветинская Библия, 1751 Исаия 20 Bible Online

Исаия 20 - Елизаветинская Библия, 1751 bible

Исаия 20

¹В лето, в неже вниде танафан во азот, егда послан бысть от арны, царя ассирийскаго, и воева на азот и взя его,

²тогда рече Господь ко исаии сыну амосову, глаголя: иди и сверзи вретище со чресл своих, и сандалия твоя иззуй с ног твоих, и сотвори сице, ходя наг и бос.

³И рече Господь: якоже ходил раб мой исаиа наг и бос три лета, три лета будут знамения и чудеса египтяном и ефиопляном:

⁴яко такожде отведет царь ассирийск плен египетск и ефиопск, юношы и старцы, наги и босы, откровены во стыдение египту.

⁵И постыдятся побеждени египтяне о ефиоплянех, на нихже уповаху египтяне, бяху бо им слава.

⁶И рекут живущии на острове сем в день оный: се, мы бехом уповающе бежати к ним на помощь, иже не могоша спастися от царя ассирийска, и како мы спасемся?