Read Елизаветинская Библия, 1751 Исаия 4 Bible Online

Исаия 4 - Елизаветинская Библия, 1751 bible

Исаия 4

¹И имутся седмь жен за мужа единаго, глаголющя: хлебы наш ясти будем и в ризы нашя одеватися, точию имя твое да наречется на нас, отими укоризну нашу.

²В день оный возсияет Бог в совете со славою на земли, еже вознести и прославити останок израиля.

³И будет останок в сионе и останок во Иерусалиме, святи нарекутся вси написаннии в жизнь во Иерусалиме:

⁴яко отмыет Господь скверну сынов и дщерей сионских и кровь Иерусалимску очистит от среды их духом суда и духом зноя.

⁵И приидет Господь, и будет все место горы сиони, и вся яже окрест ея осенит облак во дни, и яко дыма и света огненна горяща в нощи, всею славою покрыется:

⁶и будет в сень от зноя и в покров и в сокровение от жестости и дождя.