Read Елизаветинская Библия, 1751 Иеремия 47 Bible Online

Иеремия 47 - Елизаветинская Библия, 1751 bible

Иеремия 47

¹Слово Господне, еже бысть ко иеремии пророку на иноплеменники, прежде нежели порази фараон газу.

²Тако глаголет Господь: се, воды восходят от севера и будут яко поток наводняяй, и потопят землю и исполнение ея, град и живущыя в нем: и возопиют людие и восплачутся вси живущии на земли,

³от шума устремления его, от оружия ног его и от гремения колесниц его и от звука колес его: не обратишася отцы ко сыном своим, опустивше руце свои,

⁴в день находящь, еже погубити вся иноплеменники: и разорю тир и сидон со всеми прочими помощники их, яко истребит Господь филистины, останки островов каппадокийских.

⁵Прииде плешь на газу, отвержен бысть аскалон и останцы енакимли.

⁶Доколе сещи будеши, о, мечу Божий! доколе не упокоишися? вниди в ножны твоя, почий и вознесися.

⁷Како упокоится? понеже Господь заповеда ему на аскалона и на сущыя при мори, на прочыя востати.