Read Елизаветинская Библия, 1751 Числа 1 Bible Online

Числа 1 - Елизаветинская Библия, 1751 bible

Числа 1

¹И глагола Господь к моисею в пустыни синайстей, в скинии свидения, в первый день месяца втораго, втораго лета изшедшым им от земли египетския, глаголя:

²возмите сочтение всего сонма сынов израилевых по сродством их, по домом отечества их, по числу имен их, по главам их:

³всяк мужеск пол от двадесяти лет и вышше, всяк исходяй с силою израилевою, соглядайте их с силою их, ты и аарон созирайте их:

⁴и с вами да будут с силою своею кийждо, кийждо по племени коегождо от князей, по домом отечеств да будут.

⁵И сия имена мужей, иже станут с вами: от рувима елисур сын седиуров,

⁶От симеона саламиил сын сурисадаев,

⁷От иуды наассон сын аминадавль,

⁸От иссахара нафанаил сын согаров,

⁹От завулона елиав сын хелонь,

¹⁰От сынов иосифовых, иже от ефрема, елисам сын семиудов, от манассии гамалиил сын фадассуров,

¹¹От вениаминя авидан сын гадеониев,

¹²От дана ахиезер сын амисадаев,

¹³От асира фагаиил сын ехранов,

¹⁴От гада елисаф сын рагуилов,

¹⁵От неффалима ахирей сын енань.

¹⁶Сии нареченнии сонма князи от племен, по отечествам их, тысященачалницы израилевы суть.

¹⁷И поя моисей и аарон мужы сия нареченныя именем.

¹⁸И весь сонм собраша в первый день месяца втораго лета, и соглядаша я по родом их, по отечествам их, по числу имен их, от двадесяти лет и вышше, всяк мужеск пол по главам их,

¹⁹якоже повеле Господь моисею: и соглядашася сии в пустыни синайстей.

²⁰И быша сынове рувима, первенца израилева, по сродством их, по сонмом их, по домом отечеств их, по числу имен их, по главам их, всяк мужеск пол от двадесяти лет и вышше, всяк исходяй с силою,

²¹соглядание их от племене рувимля четыредесять шесть тысящ и пять сот.

²²Сынов симеоновых по сродством их, по сонмом их, по домом отечеств их, по числу имен их, по главам их, всяк мужеск пол от двадесяти лет и вышше, всяк исходяй с силою,

²³соглядание их от племене симеоня пятьдесят девять тысящ и триста.

²⁴Сынов иудиных по сродством их, по сонмом их, по домом отечеств их, по числу имен их, по главам их, всяк мужеск пол от двадесяти лет и вышше, всяк исходяй с силою,

²⁵соглядание их от племене иудина седмьдесят четыри тысящы и шесть сот.

²⁶От сынов иссахаровых по сродством их, по сонмом их, по домом отечеств их, по числу имен их, по главам их, всяк мужеск пол от двадесяти лет и вышше, всяк исходяй с силою,

²⁷соглядание их от племене иссахарова пятьдесят и четыри тысящы и четыре ста.

²⁸От сынов завулоних по сродством их, по сонмом их, по домом отечеств их, по числу имен их, по главам их, всяк мужеск пол от двадесяти лет и вышше, всяк исходяй с силою,

²⁹соглядание их от племене завулоня пятьдесят седмь тысящ и четыре ста.

³⁰От сынов иосифовых, сынов ефремлих по сродством их, по сонмом их, по домом отечеств их, по числу имен их, по главам их, всяк мужеск пол от двадесяти лет и вышше, всяк исходяй с силою,

³¹соглядание их от племене ефремля четыредесять тысящ и пять сот.

³²От сынов манассииных по сродством их, по сонмом их, по домом отечеств их, по числу имен их, по главам их, всяк мужеск пол их от двадесяти лет и вышше, всяк исходяй с силою,

³³соглядание их от племене манассиина тридесять и две тысящи и двести.

³⁴От сынов вениаминовых по сродством их, по сонмом их, по домом отечеств их, по числу имен их, по главам их, всяк мужеск пол их от двадесяти лет и вышше, всяк исходяй с силою,

³⁵соглядание их от племене вениаминя тридесять и пять тысящ и четыре ста.

³⁶От сынов гадовых, по сродством их, по сонмом их, по домом отечеств их, по числу имен их, по главам их, всяк мужеский пол их от двадесяти лет и вышше, всяк исходяй с силою,

³⁷соглядание их от племене гадова четыредесять пять тысящ и шесть сот пятьдесят.

³⁸От сынов дановых по сродством их, по сонмом их, по домом отечеств их, по числу имен их, по главам их, всяк мужеск пол их от двадесяти лет и вышше, всяк исходяй с силою,

³⁹соглядание их от племене данова шестьдесят и две тысящы и седмь сот.

⁴⁰От сынов асировых по сродством их, по сонмом их, по домом отечеств их, по числу имен их, по главам их, всяк мужеск пол их от двадесяти лет и вышше, всяк исходяй с силою,

⁴¹соглядание их от племене асирова четыредесять едина тысяща и пять сот.

⁴²От сынов неффалимлих по сродством их, по сонмом их, по домом отечеств их, по числу имен их, по главам их, всяк мужеск пол их от двадесяти лет и вышше, всяк исходяй с силою,

⁴³соглядание их от племене неффалимля пятьдесят и три тысящы и четыре ста.

⁴⁴Сие сочисление, еже соглядаша моисей и аарон и князи израилевы, дванадесять мужей, муж един от племене единаго, по племени домов отечества их быша.

⁴⁵И бысть всего соглядания сынов израилевых с силою их, от двадесяти лет и вышше, всяк исходяй ополчатися во израили,

⁴⁶шесть сот тысящ и три тысящы и пять сот и пятьдесят.

⁴⁷Левити же от племене отечества их не сочислишася в сынех израилевых.

⁴⁸И рече Господь к моисею, глаголя:

⁴⁹виждь, плеюмене левиина да на сочислиши, и числа их да не приимеши среди сынов израилевых:

⁵⁰и ты пристави левиты к скинии свидения и ко всем сосудом ея, и ко всем, елика суть в ней: да носят сии скинию и вся сосуды ея, и тии да служат в ней, и окрест скинии да ополчаются:

⁵¹и внегда воздвизати скинию, да снимают ю левити, и внегда поставити скинию, да возставят: и иноплеменник приступаяй да умрет.

⁵²И да ополчаются сынове израилевы, всяк в своем чине и всяк по своему старейшинству, с силою своею:

⁵³левити же да ополчаются сопротив, окрест скинии свидения, и не будет согрешения в сынех израилевых, и да стрегут левити сами стражу скинии свидения.

⁵⁴И сотвориша сынове израилевы по всем, елика заповеда Господь моисею и аарону, тако сотвориша.