Read Елизаветинская Библия, 1751 Числа 34 Bible Online

Числа 34 - Елизаветинская Библия, 1751 bible

Числа 34

¹И рече Господь к моисею, глаголя:

²заповеждь сыном израилевым, и речеши к ним: вы входите в землю ханааню, сия будет вам в наследие, земля ханааня с пределы ея:

³и будет вам страна, яже к ливе от пустыни син даже до едома: и будут вам пределе к ливе, от края моря сланаго от востоков,

⁴и оыдут вас пределы от ливы до возшествия акравиня, и пройдут еннак, и будет исход его к ливе кадис-варни, и изыдет на село арад, и пройдет аселмона:

⁵и оыдут пределы от аселмона водотечу египетскую, и будет исход море (великое):

⁶и пределы морстии будут вам, море великое определит, сие будет вам пределы морстии:

⁷и сие будет вам предел к северу: от моря великаго измерите сами себе при горе гору:

⁸и от горы гору измерите сами себе, входяще во емаф, и будут преход его пределы садада:

⁹и изыдут пределы зефрона, и будет исход его арсенаин: сие будет вам пределы от севера:

¹⁰и измерите сами себе пределы восточныя от арсенаина до сепфамара:

¹¹и снидут пределы от сепфамар-вила от восток на источники, и снидут пределы вилы, и пройдут на хребет моря хенереф, от восток:

¹²и снидут пределы на иордан, и будет преход его море сланое: сия будет земля вам, и пределы ея окрест.

¹³И заповеда моисей сыном израилевым, глаголя: сия земля, юже приимете в наследие по жребию, якоже повеле Господь, дати ю девяти племеном и полуплемени манассиину:

¹⁴яко взя племя сынов рувимлих и племя сынов гадовых, по домом отечеств их, и пол племене манассиина восприяша жребия своя:

¹⁵два племена и пол племене прияша жребия своя за иорданом при иерихоне от полудня на востоки.

¹⁶И рече Господь к моисею, глаголя:

¹⁷сия имена мужей, иже разделят вам землю: елеазар жрец и иисус навин:

¹⁸и по князю единому от племене возмете разделити вам землю.

¹⁹И сия имена мужем: племене иудина халев сын иефонниин,

²⁰племене симеоня саламиил сын семиудов,

²¹племене вениаминя елдад сын хаслонь,

²²племене данова князь воккор сын иеклинин,

²³сынов иосифовых племене сынов манассииных князь аниил сын суфидов,

²⁴племене сынов ефремлих князь камуил сын сафтанов,

²⁵племене завулоня князь елисафан сын харнахов,

²⁶племене сынов иссахаровых князь фалтиил сын озаин,

²⁷племене сынов асировых князь ахиор сын селемиин,

²⁸племене неффалимля князь фадаил сын амиудов.

²⁹Сим заповеда Господь разделити сыном израилевым в земли ханаани.