Read Елизаветинская Библия, 1751 Михей 3 Bible Online

Михей 3 - Елизаветинская Библия, 1751 bible

Михей 3

¹И речет: слышите убо сия, власти дому иаковля и оставшии дому израилева: не вам ли есть еже разумети суд?

²Ненавидящии добра, а ищущии зла, похищающии кожы их с них и плоти их от костей их:

³якоже объядоша плоти людий моих, и кожы их от костей их одраша, и кости их столкоша и содробиша яко плоти в коноб и яко мяса в горнец:

⁴тако возопиют ко Господу, и не послушает их и отвратит лице свое от них в то время, понеже слукавноваша в начинаниих своих на ня.

⁵Сия глаголет Господь на пророки льстящыя людий моих, угрызающыя зубы своими и проповедающыя мир на них, и не вдася во уста их, возставиша на них рать:

⁶сего ради нощь будет вам от видения, и тма будет вам от волхвования, и зайдет солнце на пророки, и померкнет на ня день:

⁷и усрамятся видящии сония, и посмеяни будут волсви, и возглаголют на них вси сии, зане не будет послушаяй их.

⁸Аще аз не наполню силы духом Господним и судом и силою, еже возвестити иакову нечестия его и израилеви грехи его.

⁹Слышите сия, старейшины дому иаковля и оставшии дому израилева, гнушающиися судом и вся правая развращающии,

¹⁰созидающии сиона кровьми и Иерусалима неправдами:

¹¹старейшины его на дарех суждаху, и жерцы его на мзде отвещаваху, и пророцы его на сребре волхвоваху, и на Господе почиваху, глаголюще: не Господь ли в нас есть? не приидут на ны злая.

¹²Сего ради вас дела сион якоже нива изорется, и Иерусалим яко овощное хранилище будет, и гора дому якоже луг дубравный.