Read Елизаветинская Библия, 1751 2 Маккавеев 1 Bible Online

2 Маккавеев 1 - Елизаветинская Библия, 1751 bible

2 Маккавеев 1

¹Братии сущей во египте иудеом радоватися: братия иже во Иерусалиме иудее и иже во стране иудейстей, мира благаго:

²и да благосотворит вам Бог и да помянет завет свой иже ко аврааму и исааку и иакову рабом своим верным,

³и да даст вам сердце всем во еже чествовати его и творити хотения его сердцем великим и душевным изволением,

⁴и да отверзет сердца ваша в законе своем и в повеленщх, и мир да сотворит,

⁵и да услышит молитвы вашя и умилится вам и не оставит вас во время лукаво.

⁶И ныне зде есмы молящеся о вас.

⁷Царствующу димитрию лета сто шестьдесят девятаго, мы иудее писахом вам в скорби и в горести нашедшей нам в летех сих, отнележе отступи иасон и иже с ним от стыя земли и царства,

⁸и пожгоша врата, и пролияша кровь неповинну: и молихомся Господеви, и услышани есмы, и принесохом жертву и семидал, и возжгохом светилники, и предложихом хлебы.

⁹И ныне празднуйте дни скинопигии хаслева месяца.

¹⁰Лета сто осмьдесят осмаго, иже во Иерусалиме и иже во иудеи, и старейшины и иуда аристовулу учителю птоломеа царея сущему же от помазанных иереев рода, и сущым во египте иудеом, радоватися и здравствовати.

¹¹От великих бедств Богом спасени, вельми благодарим ему, аки на царя ополчающщся.

¹²Сей бо изведе ополчающихся на святый град:

¹³в персиду бо быв вождом, и при нем нестерпимая мнящаяся быти сила, посечени быша в капищи нанеи, прельщения употребившым жерцем сущым при нанеи.

¹⁴Аки бо спребывати хотя ей, прииде на место антиох и иже с ним друзи, взятия ради сребреников под именем вена:

¹⁵и предложившым сия жерцем нанеи, и оному вшедшу с малыми в притвор капища, заключивше капище,

¹⁶егда вниде антиох, отверзше свода сокровенную дверь, метающе камение побиша игемона и сущих с ним, и разделивше на уды и главы отсекше изметаша к сущым вне.

¹⁷О всех благословен наш Бог, иже предаде нечествовавших.

¹⁸Хотяще убо праздновати двадесять пятаго дне месяца хаслева очищение церкве, потребно непщевахом известити вам, да и вы празднуете день скинопигии и огня, егда неемиа создав церковь и олтарь, принесе жертву.

¹⁹Ибо егда в персиду ведяхуся отцы наши, тогда жерцы боящщся Бога вземше от огня олтарнаго отай, скрыша во юдоль кладязя дно имеюща безводное, и в нем соблюдоша, яко всем неведому быти месту.

²⁰Преминувшым же летом многим, егда изволися Богу, посланный неемиа от царя персидскаго, внуки жерцев сокрывших посла на взыскание огня: и якоже поведаша нам, не обретоша огня, но воду густу,

²¹повеле им черпати и принести: егда же принесена быша жертвенная, повеле жерцем неемиа покропити водою дрова и лежащая на них.

²²Егда же бысть сие, и время прииде, егда солнце возсия прежде облачно сущо, возжжеся огнь велик, яко дивитися всем.

²³Молитву же творяху жерцы, егда горяще жертва, и жерцы и вси ионафану начинающу, прочым же отвещающым, якоже неемии.

²⁴Бе же молитва имеющи образ сей: Господи, Господи Боже, всех творче, страшный и крепкий, и праведный и милостивый, единый Царю и благий,

²⁵единый дателю, едине праведне и вседержителю и вечный, спасаяй израиля от всякаго зла, сотворивый отцы избранны и освятивый их,

²⁶прщми жертву за вся люди твоя израиля и сохрани часть твою и освяти:

²⁷собери расточение наше, избави работающих языком, на уничижениых и мерзких призри, и да уведят языцы, яко ты еси Бог наш:

²⁸показни насилующих и досаждающих в гордыни:

²⁹насади люди твоя на месте святем твоем, якоже рече моисей.

³⁰Жерцы же пояху пения.

³¹Егда же сгореша жертвенная, оставшею водою неемиа повеле камение большее полити.

³²Егда же сие бысть, пламень возгореся, и от олтаря облиставшу свету, сгоре.

³³Егда же явлена бысть вещь, и возвещено бысть царю персску, яко на месте, в немже огнь скрыша преселеннии жерцы, вода явися, отнележе неемиа и сущии с ним очистиша жертвы,

³⁴оградив же царь свято сотвори (место то), искушаяй вещь.

³⁵И имже дароваше царь, многи дары взимаше и преподаяше.

³⁶Прозва же неемиа и иже с ним место то неффарь, еже сказуется очищение, нарицается же у многих неффай.