Read Елизаветинская Библия, 1751 2 Маккавеев 11 Bible Online

2 Маккавеев 11 - Елизаветинская Библия, 1751 bible

2 Маккавеев 11

¹По мале же весьма времени лисиа, наместннк царев и сродник и к делом приставник, зело тяжце снося бывшая,

²собрав аки осмьдесят тысящ и конники вся, прииде на иудеев, помышляя убо град еллином обиталище,

³храм же среброданен сотворити, якоже и прочиих язык капища, и по вся лета продавати архиерейство,

⁴никакоже помышляю Божию державу безумно уповая на тмы пебшцев и на тысящы конников и на осмьдесят слонов.

⁵Вшед же во иудею и приближився ко вефсуре, к месту убо крепкому сущу, от Иерусалима же отстоящему яко стидий пять, сие утесняше.

⁶Егда же позна маккавей и иже с ним ратующа его твердыни, с плачем и слезами моляху Господа со всем народом, благаго ангела послати ко спасению израиля.

⁷Сам же маккавей первый взяв оружие увещаваше прочих вкпе с ним бедство подяти, еже помогати братии своей: вкупе же и со усердм устремишася.

⁸Тамо же, и близ Иерусалима сущым, явися предводяй их конник во одежди беле всеюружие златое потрясающь.

⁹Вкупе же вси благословиша милосердаго Бога и укрепишася душами, не точию человеков, но и зверей лютейших и стены железны сокрушати суще готови,

¹⁰идяху во устроении с небесе споборника имеюще, милующу их Господу:

¹¹львообразно же устремившеся на супостаты, положиша от них единонадесять тысящ пешцев, конников же тысщу и шесть сот,

¹²всехе же понудиша бежати: мнози же от них язвени нази уцелеша, и сам лисиа студно бежав спасеся.

¹³Не без ума же сый, размышляя в себе бывшее на себе поражение и уразумев непобедимых быти евреов, всемогущему Богу споборствующему им, послав

¹⁴увещаваше, яко имать примиритися во всех праведных и яко советуя преклонит и царя, да будет им друг.

¹⁵Соизволи же маккавей о всех, о нихже лисиа моляше, о полезных радящь: елика бо маккавей даде лисии на писме о иудеех, соизволи царь.

¹⁶Беша бо писания иудеем посланая от лисии, имущая образ сицев, лисиа множеству иудейску радоватися:

¹⁷иоанн и авессалом, иже послани суть от вас, дающа написанный ответ, прошаста о назнаменанных в нем:

¹⁸елика убо подобаше царю предложити, известих, и яже бяху приятна, соизволи:

¹⁹аще убо в делех верность соблюдете, то и в прочее покушуся виновен вам быти благих:

²⁰о сих же подробну заповедах сима и посланным от меие побеседовати с вами:

²¹здравствуйте. Лета сто четыредесять осмаго, (месяца) диоскоринфиа, дне двадесять четвертаго.

²²Царское же послание содержаше сия: царь антиох лисии брату радоватися:

²³отцу нашему в боги пременшуся, мы хотяще во царствии сущих безмятежных быти и о своих прилежати,

²⁴слышахом иудей не соблаговоляющих отца моего повелению, еже пременитися им на еллинския законы, но изволяющих держати своя заповеди и того ради молящих, да даруются им законная их:

²⁵хотяще убо и сему языку без мятежа быти, судихомъом и храм им возвратити и жити по прародителским их обычаем:

²⁶благо убо сотвориши, аще послеши к ним и десницу даси, яко да познавше наше произволение, благодушни будут и безпечально пребудут ко своему охранению.

²⁷Ко иудеом же царское послание сицево бе: царь антиох старейшинам иудейским и прочым иудеом радоватися:

²⁸аще здравствуете, да будет якоже хощем, и сами здравствуем:

²⁹изяви нам менелай, яко хощете отшедше быти с вашими:

³⁰приходящым убо даже до дне тридесятаго месяца ксанфика, дадим десницу без опасения:

³¹еже употребляти иудеом своих брашен и законов, якоже и прежде, и ни един им ни по единому образу стужити имать о содеянных в неведении:

³²послахом же и менелаа имущаго утешити вас:

³³здравствуйте. Лета сто четыредесять осмаго, ксанфика (месяца), пятагонадесять дне.

³⁴Послаша же и римляне к ним послание имеющее сия: квинт меммий и тит манлий, старейшины римстии, людем иудейским радоватися:

³⁵о нихже лисиа сродник царев соизволи вам, и мы соблаговоляем:

³⁶а яже суди предложити царю, скорее послите кого созирающе о сих, да уставит, якоже подобает вам, мы бо идем ко антиохии:

³⁷сего ради ускорите и послите некиих, да и мы увемы, коея есте мысли:

³⁸Здравствуйте. Лета сто четыредесять осмаго, пятагонадесять дне (месяца) ксанфика.