Read Елизаветинская Библия, 1751 2 Маккавеев 4 Bible Online

2 Маккавеев 4 - Елизаветинская Библия, 1751 bible

2 Маккавеев 4

¹Предреченный же симон, иже о сребреницех и отечестве доноситель сотворися, злословяше оиию, акибы той илиодора и поощрял к сим и злоб содетелб был.

²И благодетеля граду и защитника своих людий и ревнителя законов (Божиих) дерзаше нарицати наветником вещей.

³Вражде же в толико происходящей, яко чрез некоего от другов симоновых и убийства совершахуся,

⁴созерцая ониа лютость прения, и аполлониа неистовствовати, яко килисирии и финикии воеводу, умножающа злобу симонову, ко царю отиде,

⁵не бываяй граждан клеветник, но пользу во обществе и на едине всему множеству промышляя:

⁶видяше бо, яко без царева промысла не мощно получити мира ктому вещем, и яко симон не отставит буйства.

⁷Оставльшу же житие селевку и приемшу царство антиоху, иже нарицашеся епифан, желаше иасон брат ониин архиерейства,

⁸вниде ко царю, обещавая ему сребра талант триста шестьдесят и от приходов некиих иных талант осмьдесят.

⁹К сим же обещаваше и иных написати сто пятьдесят, аще подастся властию его училище юных ему поставити и сущих во Иерусалиме антиохианами писати.

¹⁰Соизволившу же царю, и началство одержав, абие на языческий обычай единоплеменныя своя преводити нача.

¹¹И уставленная иудеом человеколюбия царская чрез иоанна отца евполема, иже бяше послом о дружбе и споборении к римляном, отрину: и законныя убо гражданския разоряя уставы, беззаконныя обычаи нововвождаше.

¹²Тщателне бо под самым краеградием училище постави, и изряднейших юнош покорив, под петас ввождаше.

¹³И сице бе усердие некое ко еллинству и успех языческаго жителства, ради безмернаго, нечестиваго, а не архиереа иасона, беззакония.

¹⁴Яко не ктому о службах олтарных усердни бяху жерцы, но храм убо презирающе и о жертвах нерадяще, тщахуся причастницы быти палестре беззаконнаго предания, по произзывании игралищнаго круга.

¹⁵И отеческия убо чести ни во чтоже вменяху, еллинския же славы предобры быти мняху:

¹⁶ихже ради объят я лютое обстояние, и о ихже ревноваху наставлениих, и весьма им хотяху уподобитися сих врагов и мучителей имеяху.

¹⁷Нечествовати бо в Божественных заонех неудобь: но сия последующее время известит.

¹⁸Бывшу же пятолетному тризнищу в тире и царю сущу тамо,

¹⁹посла иасон студных смотрителей из Иерусалима антиохианы сущыя, несущыя сребра дидрахм триста в жертву ираклиеву, о ихже и моляху принесшии, да не употребляют в жертву, яко не достоит, но во иныя росходы их отложити.

²⁰Посла убо сия ради пославшаго в жертву ираклиеву, ради же принесших на строение кораблецей тривеселных.

²¹Послану же бывшу во египет аполлонию сыну менестеову ко птоломею филометеру царю, торжества ради восприятия престола, возмнев антиох чужда его быти своих вещей, о своем безопасстве печашеся: того ради во июппию пришед, достиже во Иерусалим.

²²Великолепно же от иасона и града прият, со свещьми светлыми и хвалами вниде: таже сице в финикию с воинством пойде.

²³По трелетнем же времени посла иасон менелаа брата предреченнаго симона несуща царю сребреники и о вещех нужных представление совершити имущаго.

²⁴Он же представ царю и возвеличив его в лице власти ради, на себе восторже архиерейство, положив свыше иасона талант сребра триста.

²⁵Приемь же от царя повеления прииде, ничтоже убо нося достойно архиерейства, ярость же жестокаго мучителя и зверя лютаго гнев имея.

²⁶И иасон убо, иже своего брата кознию улови, сам кознию уловлен от инаго, беглец во аманитскую страну изгнан бысть.

²⁷Менелай же началство убо одержа, о сребрениех же цареви обещанных ничтоже радяше:

²⁸творящу же истязание сострату краеградия епарху, к сему бо надлежаще даней дело, тоя ради вины оба ко царю призвани.

²⁹И менелай убо остави архиерейства преемника лисимаха брата своего, сострат же кратита, иже бе над к¦пряны.

³⁰И егда сия деяхуся, случися тарсяном и малотом крамолу воздвигнути, сего ради, яко антиохиде наложнице цареве в дар отдани быша.

³¹Скоро убо царь прииде укротити вещы, оставя наместника андроника единаго от князей своих.

³²Возмнев же менелай восприяти себе время благополучно, златыя иекия сосуды от церкве украд дарова андронику и ина продаде в тир и во окрестныя грады.

³³Иже явно познав ониа, обличаше его, отшед в место безопасное, в дафнию близ антиохии лежащую.

³⁴Оттуду менелай взем на едине андроника, моляше да убиет онию. Он же пришед ко онии, и увещав лестию, и десницу с клятвою дав, аще и в подозрении бе, усоветова из безопаснаго места изыти, егоже и абие заключив уби, не устыдевся правды.

³⁵Сея же ради вины не токмо иудее, но мнози и от иных языков иегодоваху и скорбяху о неправедньм мужа убийстве.

³⁶Возвратившуся же царю от киликийских мест, сущии во граде иудее приступиша просяще (суда) купно с ненавидящими беззакония еллинами о безвиннем убийстве ониине.

³⁷Оскорбився убо душею антиох (онии ради) и преклонив на милость, и слезы излияв о целомудрии скончавшагося и о мнозем благонравии

³⁸и разярився душею, абие со андроника порфиру совлек и одежды ободрав, по всему граду повелев обводити, на томже месте, идеже онию нечестиво уби, тамо убийцу погуби, Господу достойную ему казнь воздающу.

³⁹Егда же многа священнограбителства во граде соделана быша от лисимаха со менелаевым советом, и изыде весть вне, собрася множество на лисимаха, многим уже златым сосудом изнесеным бывшым.

⁴⁰Народом же востающым и гнева исполненным, вооружив лисимах три тысящы, нача беззаконными руками обидети, предводителствующу некоему мучителю престаревшуся возрастом, паче же безумием.

⁴¹Уразумевше же и усилие лисимахово, инии камение, инии дреколия толстая восхитиша, нецыи же близ лежащий прах вземше, на сущих окрест лисимаха меташа.

⁴²Сея ради вины многих убо от них уязвиша, некщх же и низложиша, всех же в бег обратиша: самаго же священнограбителя при сокровищнем хранилищи убиша.

⁴³О сих же суд на менелаа настояше.

⁴⁴Егда же прииде царь в тир, к нему судебное дело принесоша посланнии три мужа от старейшин.

⁴⁵И уже премогаемь менелай обеща птоломею сыну дорименову многи сребреники дати на утоление царя.

⁴⁶Поят убо особь птоломей в некий притвор аки прохлаждаюшася царя, преврати,

⁴⁷и всея убо злобы виновнаго менелаа свободи от вины, а бедных, иже аще бы и пред ск¦фы глаголали, отпущени были быша неосуждени, сих на смерть осуди.

⁴⁸Скоро убо неправедну казнь претерпеша иже о граде и людех и о священных сосудех доносившии.

⁴⁹Сея ради вины и тиряне, вознегодовавще о беззаконии, на погребение их щедро преподаша.

⁵⁰Менелай же ради лихоимства обладающих пребываше во власти, возрастающь злобою, великий гражданом наветник сотворився.