Read East Ambae 1 KOREN 13 Bible Online

1 KOREN 13 - East Ambae bible

1 KOREN 13

¹Tare ve ineu nam laqa lai lo leo wagiwegineu nora tangaloi sige lo nora engsel, tare a tabetabe he eno tea meieu, ineu nau mwere na singsingi hi mo tatangi hogosie.

²Tare ve a hogogi mo toga meieu ve nain veve sere na leoi God, nge nahe tabe na tangaloi tea, ineu hatie gineu luku. Sige nam lai na iloilo doluegi nona tangaloi, sige ineu nam ilo na iloiloi gineu ngerehi i God mo hiliginire. Ineu nam hakovi na hogogi ve nain tagagi lei na vusi lalawua dena tanora, nge tare ve nahe tabetabe tea, ineu hatie gineu luku.

³Hatie huri tare ve ineu nam bete vohogi na noku vivilakogi vurogi lawe tangaloi mahogi, ko sige nam siregi na tarabesiku ve na gao, nge tare a tabetabe he toga tea meieu, ngehi he bete na gareana tea laweau.

⁴A tangaloi hi mo tabe na sinobu wagiwegineu u lolo garea ko u tabetabe, ko ineie u rongribi, a gineu gagarasi he eno tea meie, he lailei hageginie tea sibona, he sagesagea tea, sige he meromero siseri tea,

⁵he hako bibi bugui gineu esi tea hi a tangaloi ram vai lawea.

⁶A tangaloi ngaha he havuhevu tea mena gineu rau esi nge mo havuhevu lo gineu rau garea.

⁷A tangaloi a dom tabetabe mo toga meie, ingeie mo rarai ve vin lei vurugegi na gineu doluegi hi ram hogo vonai lawea, tare ve rau garea sige rau esi. Ingeie mo lado talui God gesegi, a nona lado rarai mo eno tamwere ko a domine mo labe siaga.

⁸A hogogi ta lo tabetabe vin he rovo lai tea. Bataha a tangaloi tea a huireana noi God mo toga meire ve rain waregi sere na leoi God, nge a doridori hi vin rovo. Bataha a tangaloi tea a huireana mo toga meire ve rain laqa lai lo leo wagiwegineu, nge a leo ngerehi rain he laqa tea lure taligu, sige a tangaloi lavasigi rau iloilo, nge a iloilo hi vin sala.

⁹Igide dain he ilo na gineu tea doluegi, siu dam waregi sere na leoi God he dadari tea lo qereqerenagi.

¹⁰Nge lune a gineu ngerehi rau vovohoi rain vanai, ko a gineu doluegi hi rahe vovohoi tea rain sala.

¹¹Lune igide dam maresu, dam gato mwere na maresu, a rongrongoda mwere na maresu, dam ladolado mwere na maresu nge lune igide dam mwalakelo dahe tarani na matahala tea ngehi a maresu ram dori lune.

¹²Siserigi ngaha igide dam lehi na nunu nunugi mo viaviaroga mwerehi dam lehe lolo tung sisiro, dahe ilo na gineu doluegi tea, lo tagugi igide dain ilora, mwerehi igide dain leo lai nagoi lo nagoi.

¹³Huri a gineu gaitolu ingere ngaha rain van tuturedu vagituei, a lado hogo siaga, a tabetabe ko ladotare, nge denire gaitolu hi, a tabetabe u lawua.