Read East Ambae KALESIA 5 Bible Online

KALESIA 5 - East Ambae bible

KALESIA 5

¹Igide dam mariqe, i Kraes u vei gide dam mariqe! Siu igimiu nein labe siaga mwere na sinobu rau meriqe hogo. Ko nein mese siregi gimiu sibomiu ve nen voragi tangaloi tabana vurogi taligu.

²Igimiu nen rorongtagi! Ineu Bol, nem veve lawe gimiu ve tare nem siregi gimiu sibomiu ve nen lai na teve gigilegi, ngehi a iloilogi huri ve i Kraes hatie gareana lune vohogi lawe gimiu.

³Ineu nam veve siaga taligu lawe gimiu ve ihine tea mo sireginie sibona ve na lai na teve gigilegi, mwerehi mo eno lawea ve vin rongtabe na Leo hora doluegi.

⁴Irahine dein gimiu ram vaileo ve ran vovohoi lo nagoi God, a vevenagi ram rongtabe na Leohora, tare mwerehi, igimiu nem ta i vohogi gimiu dein Kraes. Igimiu nein tino tavala varea dena hogogi noi God.

⁵Nge huri gide ngaha, a noda ladotare ngehi vei God vin vei gide dain vohogi lo nagona, ko ngehi a gineu igide dam raraie, ve vin vei lo managi noi God mo tabana turuhi na noda ladohogo.

⁶Lune igide dam bulu gatagale mei Jisas Kraes, hatie huri tare ve dau lei na teve, gigilegi sige dahe lai na teve gigilegi tea, ngehi he wagineu tea vohogi. Nge a gineu higi hogosie ngehi a ladohogo mo hahara ginie lo tabetabe.

⁷Tomue igimiu neu u garea vurugegi huri ve nein teu toa na qora? Nge ihine hi u tei vohogi gimiu ko mo hako bibi gimiu denie hi ve nein ronghuri na hogo ?U garogi gimiu mwerehilogo?

⁸A gineu garogiana mwere ngaha he vanai tea dein God hi mo ware gimiu.

⁹?A isi biti mo vai na fulaoa lawua lolo disi mo maraga.?

¹⁰Nge ineu nam lado siaga tau huri gimiu. Huri a mwasoada lo bulu gatagale mena Huqe mo vaie u nam ladohogo ve nein he dori na domimiu tea, ko ihine tea hi u vei gimiu nem rong samwegi, i God vin veve ginie.

¹¹Retueku ko ire haqeku, tare ve ineu nam laqagi na teve ?Gigilegi tau mosigei? Huri hava gineu ram vaiveieu? Tare ve mwerehi hogo, nase vai a noku toretore huri na gai saroutu noi Kraes vin he vai taturegi na gineu tea vohogi.

¹²Ineu nam tarani ve a sinobu hi ram rogegi gimiu, u vovohoi ve ran vano tuturedu lo matahala mwerehi, ko ve ran votara sibora.

¹³Nge huri gimiu, iretueku ko ire haqeku, i God u ware gide beno ve dain meriqe. Siu igimiu nein mese vai na rugurugu tabegoro ngehi mo veve vena, ‘!Ei!, Ineu nau meriqe beno.’ A Leo hora he tugoroau tea siserigi ngaha. Ineu nau vei na gineu doluegi ngehi a tarabesiku mo taranie.? !Hatie! Vin he mwerehi tea. Nge nein vui bulu bului gimiu gagatalegi, ngehi mo haharagi ve nem vui tabetabe gimiu doluegi.

¹⁴A tarabesi Leohora doluegi mo dule mo dule mo huri na Leo Hora gatagale ngehi mo veve vena, ?Gon tabe na tagi venuemu mwereigo sibomiu.

¹⁵Tare ve nem vui gagasi mwere na kakarue tamwere, a mwasoamiu vin he garea tea vohogi.

¹⁶Siu ineu nam veve lawe gimiu ve nen toga na huri na Vui, ko nen mese siregi ve a domimiu na lulumu gina tara tarani esi talo tarabesigi.

¹⁷Huri a taratarani esi talo tarabesigi mo qalo goro na Vui, ko a taraniana nona Vui mo qalo me na taratarani esi talo tarabesigi. A gineu ingere ngaha rom vui rahagi meire gagatalegi. Siu Igimiu nein he vai lei tea ve nen vai na gineu na huri na nomiu tarani.

¹⁸Nge tare ve a Vui mo tomuegi gimiu, igimiu nehe toga tea lo vavai leohora.

¹⁹A dori dorire tangaloi hi ram ladoutu ve ran vai na gineu rau esi ngehi a tarabesire mo taranie, u mata mwasara. Huri ingere ram maturu belugi meire vavine, ram vai na gineu rau sokora, ngehi a tanoi maemae lune, ko ingere ram vai na gineu rau esi garagara.

²⁰Huri ingere ram hudu goro na God wagiwagineu, ram vai na gaqaleva ram ladolado haginire, ram lolo meromero, ko ram laileihage ginire, ram vuigarogi tamwere, ngehi mo vaire ram vile wahe.

²¹Ko a gineu garagarasi, inuinu wai lenga ngehi mo vai na domire mo sala, ko ram vai na gineu rau esi mwere ire ngaha. Ineu nam veve siaga lawe gimiu siserigi ngaha, mwerehi nau veve lawe gimiu tomue ve, irahine ram vai na gineu mwere ire ngaha rain he laihougi na Ute noi God tea.

²²Nge a mwasigi talo Vui ngehi a tabetabe, a havuhevu, a tamwata, a rongribi, a lologarea, a gareana ko a labe siaga,

²³a dom madamada, ko a wiribibi domi, ngehi hatie tau leo ve mo labe goro na gineu mwere ire ngaha.

²⁴Ira hine hi a noi Jisas Kraes, rau siregi vovohogi na doridori esi doluegi talo tarabesire, ngehi a domire mo taranie, ngehi u mwerehi ve rau toto bibie talo gai saroutu beno.

²⁵Huri igide dam toga lo Vui, da huri lo taikeru mwerehi a Vui mo dige. Siu igide dain siregi ve a Vui na koko goro gide lo mwasoada.

²⁶Dain mese sagesage gide, da mese vutu na meroana lawe gide gagatalegi, ko ve da mese ladolado hagi gide gagatalegi.