Read East Ambae 1 TIMOTI 2 Bible Online

1 TIMOTI 2 - East Ambae bible

1 TIMOTI 2

¹Tomuegi, ineu nam veve lawe gimiu ve nein tataro huri na sinobu doluegi, nen navu dein God huri na havagineu hi ingere ram tarani garagara ginie ko igimiu nen veve gareaginie.

²Igimiu nen tataro hurire ratahigi lalawua ko ira tangaloi lalawua lavasigi vage hi ram huqegi goro gide, siu lo matahala mwerehi igide dain toga tabetabegi, vin tamwata mei gide, a mwasoada vin horo gina lengai huduhudu goro ko igide dain lado mavagi God.

³Ngehi u garea, ko mo vai God a noda vagamwasoi mo rongarea.

⁴Ingeie mo tarani na sinobu doluegi ve rain mwaso ko rain ilo na hogo.

⁵I God ingeie gatagale, a matahala gatagale ngehi a tangaloi vin dadari lei mei God. A matahala hi lui Jisas Kraes, ingeie a sinobu a tangaloi.

⁶Ingeie u sireginie sibona vena voli tuguhi na sinobu doluegi ve rain meriqe. Ingeie mo haharagi huri ve a gineu hi u vei lo tarogi vovohoi.

⁷Giniehi, i God mo leowaheau ve nain waregi sere na Roro Garea ko ve nain voragi gai hora. Ineu nam veve hogo, nahe kalikeli tea. I God u leowaheau ve nain huhuire hatie duvi Israel ve rain lado hogo ko rain ilo na hogo.

⁸Siu, ineu nam tarani ve a mwera vataha ute ve ran tataro, ran gamalagi na limara gina lado mava, hatie gina vui garogi ko a lolo gagasi,

⁹vage, ira vavine ve rain luqegi na luqe ngehi mo eno goro na tarabesire doluegi, rain mese luqegi na luqe ngerehi ve a mwera a matara vin hurire, rain mese borigi na vulure ko rain mese vinugi na gineu ngerehi rau kelakelana hi ram vaire lo kol sige a perel, sige a luqe ngerehi a manegi rau lalawua.

¹⁰Ingere rain vei na gineu hi rau garea, ngehi u vovohoi meire vavine hi ram veve huri ve ingere ram hudu goro God.

¹¹Ira vavine rain toga rorongo, rain bubuginire sibora, ngehi vin veire rain hikehike vurugegi.

¹²Ineu nahe siregi tea ve a vavine rain huhui sige ve rain huqegi goro na mwera, nge ve rain rorogo ram rorongtagi hogosie,

¹³a vevenagi i God u teu Adam tomue siu mobei Iv.

¹⁴Ko Setan he sine Adam tea, nge u sine na vavine ko mo voragi na tangaloi galegaleasi.

¹⁵Ingeie vin mwaso lo matahalagi hi mo hako maresu tare a vavine mo hakosiagagi na nona ladohogo ko mo tabetabe ko mo toga gogona ko mo kokogoro na domine sibona.